ఒమన్ సమీపంలో నౌకపై దాడి.. భారతీయుడి మృతి
ABN , Publish Date - Sep 23 , 2026 | 09:37 PM
హోర్ముజ్లో మరో నౌకపై దాడి జరిగింది. ఒమన్ తీరానికి సమీపంలో ఎమ్వీ కేప్ డావ్ అనే నౌకపై టార్పిడోలతో దాడి జరగడంతో ఓ భారతీయ నావికుడు మృతి చెందారు.
ఇంటర్నెట్ డెస్క్: హోర్ముజ్లో మరో నౌకపై తాజాగా దాడి జరిగింది. ఒమన్ తీరానికి సమీపంలో ఎమ్వీ కేప్ డావ్ అనే నౌకపై టార్పిడోలతో దాడి జరగడంతో ఓ భారతీయ నావికుడు మృతి చెందారు. భారత్ వైపు నౌక వస్తుండగా ఈ దాడి జరిగింది. ఈ విషయాన్ని మస్కట్లోని భారతీయ ఎంబసీ కూడా ధ్రువీకరించింది. భారతీయ పౌరుడి మృతిపై సంతాపం తెలిపింది. బాధిత కుటుంబానికి సంఘీభావం తెలిపింది. నౌకలోని 19 మంది భారతీయ నావికులను సురక్షితంగా తీసుకొచ్చేందుకు ఒమన్ అధికారులతో కలిసి ప్రయత్నిస్తున్నామని పేర్కొంది.
ఈ ఘటనపై భారత నావికుల సంఘం ఫార్వర్డ్ సీమెన్ యూనియన్ ఆఫ్ ఇండియా (ఎఫ్ఎస్యూఐ) కూడా స్పందించింది. మృతుడిని యూపీలోని దియోరా జిల్లాకు చెందిన సూరజ్ యాదవ్గా గుర్తించింది. నౌకపై రెండు టార్పిడోలతో దాడి జరిగినట్టు ఎఫ్ఎస్యూఐ పేర్కొంది. ఈ డాడులతో పౌర నావికులు ఊచకోతకు గురవుతున్నారని ఆవేదన వ్యక్తం చేసింది.
ఈ వార్తలనూ చదవండి:
యువతకు విదేశాల్లో జాబ్స్.. కేంద్రం 'గ్లోబల్ స్కిల్డ్ జాబ్ మ్యాపింగ్'!
ఐఐటీ బాంబేలో సాధారణ స్థితి.. క్యాంపస్లో ముగిసిన నిరసనలు