వర్షాకాలంలో పాదాలకు ఫంగల్ ఇన్ఫెక్షన్ వస్తోందా? ఈ చిట్కాలు మీ కోసమే

ఇంటర్నెట్ డెస్క్: వర్షాకాలంలో మురికి నీటిలో నడవడం వల్ల పాదాల్లో దురద, ఎర్రబడటం, ఫంగల్ ఇన్ఫెక్షన్లు వంటి సమస్యలు ఎక్కువగా కనిపిస్తాయి. పాదాలు ఎక్కువసేపు తడిగా ఉండటం, చెమట పట్టడం వల్ల ఫంగస్, బ్యాక్టీరియా త్వరగా పెరుగుతాయి. ఈ సమస్య నుంచి ఉపశమనం పొందేందుకు మందులతో పాటు కొన్ని ఇంటి చిట్కాలు కూడా ఉపయోగపడతాయని నిపుణులు సూచిస్తున్నారు.

గోరువెచ్చని నీరు, ఉప్పు

వర్షంలో బయటకు వెళ్లి ఇంటికి వచ్చిన వెంటనే పాదాలను శుభ్రమైన నీటితో బాగా కడుక్కోవాలి. తర్వాత గోరువెచ్చని నీటిలో కొద్దిగా రాతి ఉప్పు వేసి 10 నుంచి 15 నిమిషాలు పాదాలను అందులో నానబెట్టాలి. ఇది దురద, ఇన్ఫెక్షన్ తగ్గేందుకు సహాయపడుతుంది.

వేప నీరు లేదా వేప నూనె

వేపలో సహజసిద్ధమైన యాంటీ ఫంగల్ గుణాలు ఉంటాయి. వేప ఆకులను మరిగించిన నీటితో పాదాలను కడుక్కోవచ్చు. లేదా వేప నూనెను కొబ్బరి నూనెలో కలిపి ఇన్ఫెక్షన్ ఉన్న చోట రాయవచ్చు.

టీ ట్రీ ఆయిల్

టీ ట్రీ ఆయిల్ కూడా ఫంగల్ ఇన్ఫెక్షన్ తగ్గించడంలో ఉపయోగపడుతుంది. 2–3 చుక్కల టీ ట్రీ ఆయిల్‌ను కొబ్బరి నూనె లేదా బాదం నూనెలో కలిపి ప్రభావిత ప్రాంతంలో రాయాలి.

ఆపిల్ సైడర్ వెనిగర్

సమాన మోతాదులో నీరు, ఆపిల్ సైడర్ వెనిగర్ కలిపి అందులో పాదాలను 15 నిమిషాలు నానబెట్టాలి. ఇది ఫంగస్ పెరగకుండా సహాయపడుతుంది.

ఫంగల్ ఇన్ఫెక్షన్ రాకుండా ఉండాలంటే..

• పాదాలను ఎప్పుడూ శుభ్రంగా, పొడిగా ఉంచాలి.

• స్నానం చేసిన తర్వాత లేదా పాదాలు కడిగిన తర్వాత వేళ్ల మధ్య భాగాన్ని కూడా బాగా తుడవాలి.

• సాధారణ టాల్కమ్ పౌడర్‌కు బదులుగా యాంటీ ఫంగల్ పౌడర్ ఉపయోగించడం మంచిది.

• వర్షాకాలంలో ఎక్కువసేపు తడి సాక్సులు లేదా బూట్లు ధరించకూడదు.

• గాలి సరిగా వెళ్లే చెప్పులు లేదా పాదరక్షలు ధరించాలి.

• సాక్సులు తడిస్తే వెంటనే మార్చి పొడి సాక్సులు వేసుకోవాలి.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

ఫ్రిజ్ లేకుండానే టమోటాలు ఎక్కువ రోజులు తాజాగా ఉండాలా?

ఈ తేదీల్లో పుట్టినవారిది రాజసమైన వ్యక్తిత్వం..!