11 ఐపీఓలు.. రూ.7,055 కోట్లు
ABN , Publish Date - Sep 07 , 2026 | 04:58 AM
కంపెనీల తొలి పబ్లిక్ ఆఫరింగ్స్ (ఐపీఓ) జోరు కొనసాగుతోంది. ఇప్పటికే పలు కంపెనీలు ఐపీఓలకు రాగా ఈ వారంలో మరో 11 కంపెనీలు తమ ఇష్యూలతో ప్రాథమిక మార్కెట్లో సందడి చేయడానికి సిద్ధమయ్యాయి
న్యూఢిల్లీ: కంపెనీల తొలి పబ్లిక్ ఆఫరింగ్స్ (ఐపీఓ) జోరు కొనసాగుతోంది. ఇప్పటికే పలు కంపెనీలు ఐపీఓలకు రాగా ఈ వారంలో మరో 11 కంపెనీలు తమ ఇష్యూలతో ప్రాథమిక మార్కెట్లో సందడి చేయడానికి సిద్ధమయ్యాయి. ఈ కంపెనీలు రూ.7,055 కోట్లు సమీకరించబోతున్నాయి. ఈ నెల 7 నుంచి 15వ తేదీల మధ్య ఈ ఐపీఓలు మార్కెట్లో ఉండనున్నాయి. చాలా ఐపీఓల సబ్స్ర్కిప్షన్ మంగళ, బుధవారాల్లో ప్రారంభమవుతోంది. ఐపీఓలకు రానున్న కంపెనీల్లో రియల్ ఎస్టేట్ డెవలపర్స్, ఇంజనీరింగ్ అండ్ మాన్యుఫ్యాక్చరింగ్ కంపెనీలు, పేమెంట్స్ అండ్ ఐడెంటిటీ సొల్యూషన్స్ అందించే సంస్థ, స్పెషాలిటీ కెమికల్స్ తయారీ సంస్థ, ఒక ఆన్లైన్ రెంటల్ ప్లాట్ఫామ్ ఉన్నాయి. కొత్త ఐపీఓలతో ఈ ఏడాదిలో వచ్చిన ఐపీఓల సంఖ్య 75కు పెరగనుంది. ఆగస్టులో 23 ఇష్యూలు మార్కెట్లోకి వచ్చాయి.
ఈ నెల 7-10 మధ్య ప్రారంభమయ్యే ఐపీఓలు
కంపెనీ ప్రైస్బ్యాండ్
ప్రణవ్ కన్స్ట్రక్షన్స్ రూ.118-124
కనోహర్ ఎలక్ర్టికల్స్ రూ.601-632
ప్రసోల్ కెమికల్స్ రూ.643-676
గ్లాస్వాల్ సిస్టమ్స్ (ఇండియా) రూ.172-182
రెంటోమోజో రూ.384-404
మణిపాల్ పేమెంట్ రూ.322-339
ఆర్సిల్ రూ.132-139
ఎల్సీసీ ప్రాజెక్ట్స్ రూ.139-146
కరమ్తారా ఇంజనీరింగ్ రూ.241-254
వీగాలాండ్ డెవలపర్స్ రూ.130-140