వ్యక్తుల కోసం ప్రజా ప్రయోజన వ్యాజ్యాలా?

ఏపీ హైకోర్టు జరిమానా సబబే: సుప్రీం

న్యూఢిల్లీ, సెప్టెంబరు 28(ఆంధ్రజ్యోతి): ప్రజా ప్రయోజన వ్యాజ్యం(పిల్‌) ముసుగులో వ్యక్తుల ను లక్ష్యంగా చేసుకుని దాఖలు చేసే పిటిషన్లపై సుప్రీంకోర్టు తీవ్ర అసహనం వ్యక్తం చేసింది. ఇలాంటి వ్యాజ్యాలతో ఎవరు లబ్ధి పొందాలని అనుకుంటున్నారో తెలుస్తోందని వ్యాఖ్యానించింది. ఈ తరహా కేసులో ఏపీ హైకోర్టు విధించిన రూ.50 వేల జరిమానాను సమర్థించింది. ఏపీ ప్రభుత్వంతోపాటు ఇతరులను ప్రతివాదులుగా చేస్తూ డి. ఉదయ్‌కుమార్‌ అనే వ్యక్తి హైకోర్టులో ఓ పిల్‌ దాఖలు చేశారు. అయితే, అది ఉద్దేశపూర్వకంగానే ఒక వ్యక్తిని లక్ష్యంగా చేసుకుని వేశారని హైకోర్టు భావించింది. పిటిషనర్‌కు రూ.50 వేల జరిమానా విధించింది. దీనిని ఎత్తివేయాలని కోరుతూ పిటిషనర్‌ సుప్రీంకోర్టును ఆశ్రయించారు. సోమవారం ఈ పిటిషన్‌పై సుప్రీం ధర్మాసనం విచారణ జరిపింది. అనవసర వ్యాజ్యాలు వేసినప్పుడు జరిమానాలు విధించే స్వేచ్ఛ హైకోర్టులకు ఉంటుందని ధర్మాసనం వ్యాఖ్యానించింది. విచారణను ముగించింది.

ఈ వార్తలనూ చదవండి...

పింఛనుదారులకు గుడ్‌న్యూస్‌.. అక్టోబర్‌ 1న ఉదయం 6:30 నుంచే పింఛన్ల పంపిణీ

పీఎం కిసాన్ 24వ విడత.. రైతులు ఈ 3 పనులు పూర్తి చేయాల్సిందే..