గ్రామ పాలనాధికారుల ర్యాంకుల జాబితా విడుదల
ABN , Publish Date - May 31 , 2025 | 04:50 AM
గ్రామ పాలనాధికారుల(జీపీవో) ర్యాంకుల జాబితాను భూ పరిపాలన ప్రధాన కార్యాలయం విడుదల చేసింది. 5,300 మంది పరీక్ష రాసేందుకు దరఖాస్తు చేసుకోగా వారిలో 4,558 మంది ఈ నెల 25న పరీక్ష రాశారు.
హైదరాబాద్, మే 30 (ఆంధ్రజ్యోతి) : గ్రామ పాలనాధికారుల(జీపీవో) ర్యాంకుల జాబితాను భూ పరిపాలన ప్రధాన కార్యాలయం విడుదల చేసింది. 5,300 మంది పరీక్ష రాసేందుకు దరఖాస్తు చేసుకోగా వారిలో 4,558 మంది ఈ నెల 25న పరీక్ష రాశారు. జేఎన్టీయూ హైదరాబాద్ ఆధ్వర్యంలో నిర్వహించిన రాత పరీక్షలో ఉత్తీర్ణత సాధించిన 3,550 మంది జాబితాను శుక్రవారం సీసీఎల్ఏ అధికారులు భూభారతి పోర్టల్లో అప్లోడ్ చేశారు.
రాష్ట్రస్థాయిలో మొదటి ర్యాంకర్గా అడ్డా మధు(హాల్టిక్కెట్ నంబరు 2532052) నిలిచారు. ఆ తర్వాతి ఐదు స్థానాల్లో షేక్ లతీఫ్ సాహెబ్, బి.ప్రవీణ్కుమార్, విజయ సోమిరెడ్డి, ఈదన్న రవీందర్ ఉన్నారు. అర్హులైన వారికి 2లోపు నియామక ఉత్తర్వులు ఇవ్వనున్నట్లు సీసీఎల్ఏ తెలిపింది. ఉత్తీర్ణత సాధించిన అభ్యర్థులకు డిప్యూటీ కలెక్టర్ల సంఘం అధ్యక్షుడు లచ్చిరెడ్డి అభినందనలు తెలిపారు.
