Rohit half century: నిలబడిన రోహిత్.. హాఫ్ సెంచరీతో ఆదుకున్న హిట్ మ్యాన్..

ఆడిలైడ్‌లో జరుగుతున్న మ్యాచ్‌లో హిట్ మ్యాన్ రోహిత్ శర్మ (Rohit Sharma) తన క్లాస్ వెలికి తీశాడు. జట్టుకు అవసరమైన సమయంలో కీలక ఇన్నింగ్స్ ఆడుతున్నాడు. 17 పరుగులకే రెండు వికెట్లు కోల్పోయి కష్టాల్లో పడిన జట్టును తను అనుభవంతో ఆదుకున్నాడు. శ్రేయస్ అయ్యర్‌తో కలిసి మూడో వికెట్‌కు అజేయంగా వంద పరుగులు జోడించాడు. దీంతో టీమిండియా ప్రస్తుతం 27 ఓవర్లలో రెండు వికెట్లు కోల్పోయి 117 పరుగులు చేసింది (India vs Australia).

టాస్ ఓడి బ్యాటింగ్‌కు దిగిన భారత్‌కు ఆదిలోనే ఎదురుదెబ్బ తగిలింది. కెప్టెన్ శుభ్‌మన్ గిల్ 9 పరుగులు మాత్రమే చేసి జేవియర్ బౌలింగ్‌లో అవుటయ్యాడు. ఆ తర్వాత క్రీజులోకి వచ్చిన స్టార్ బ్యాటర్ విరాట్ కోహ్లీ మరోసారి పరుగులేమీ చేయకుండా వెనుదిరిగాడు. దీంతో 17 పరుగులకే భారత్ రెండు వికెట్లు కోల్పోయి కష్టాల్లో పడింది. ఆ దశలో రోహిత్ (62 నాటౌట్), శ్రేయస్ అయ్యర్ (42 నాటౌట్) సమయోచితంగా ఆడుతూ స్కోరుబోర్డును ముందుకు నడిపించారు (Rohit Sharma batting).

సూపర్ ఫామ్‌లో ఉన్న ఆస్ట్రేలియా బ్యాటర్లను కట్టడి చేయాలంటే భారత్ కనీసం 280 పరుగులు చేయాల్సిందే (Adelaide ODI). అప్పుడే విజయంపై ఆశలు సజీవంగా ఉంటాయి. ఇప్పటికే తొలి వన్డేలో ఓడిపోయిన టీమిండియా ఈ మ్యాచ్‌లో కూడా ఓడిపోతే సిరీస్‌పై ఆశలు వదులుకోవాల్సిందే.

ఇవి కూడా చదవండి..

పసిడి ప్రియులకు గుడ్ న్యూస్.. బంగారం ధర మరింత తగ్గింది..

సత్య నాదెళ్ల వేతనం రూ.850 కోట్లు

మరిన్ని తాజా వార్తలు కోసం క్లిక్ చేయండి..