Test or Ro-Ko: దిగ్గజాలకు రియల్ టెస్ట్.. కోహ్లీ, రోహిత్ ఆడిలైడ్‌లోనైనా రాణిస్తారా..

విరాట్ కోహ్లీ (Virat Kohli), రోహిత్ శర్మ (Rohit Sharma) దాదాపు ఏడు నెలల విరామం తర్వాత తిరిగి అంతర్జాతీయ క్రికెట్‌లోకి అడుగుపెట్టారు. ఇప్పటికే టీ-20, టెస్ట్ ఫార్మాట్‌కు రిటైర్మెంట్ ప్రకటించిన రోహిత్, కోహ్లీ భారత్ తరఫున వన్డేలు మాత్రమే ఆడుతున్నారు. ప్రస్తుతం ఆస్ట్రేలియాతో జరుగుతున్న మూడు మ్యాచ్‌ల వన్డే సిరీస్‌లో బరిలోకి దిగారు. అయితే పెర్త్‌లో జరిగిన తొలి వన్డేలో తీవ్రంగా నిరాశపరిచారు. ఆ మ్యాచ్‌లో జట్టు మొత్తం విఫలమైనా ఈ ఇద్దరిపైనే విమర్శలు వచ్చాయి (India vs Australia).

ఈ నేపథ్యంలో ఈ రోజు (గురువారం) ఆడిలైడ్‌లో రెండో వన్డే ప్రారంభం కాబోతోంది (Adelaide ODI). ఈ మ్యాచ్‌లోనైనా రాణించి విమర్శలకు చెక్ పెట్టాలని రోహిత్, కోహ్లీ కృత నిశ్చయంతో ఉన్నారు. ఆడిలైడ్‌లో కోహ్లీ రికార్డు ఘనంగా ఉంది. ఈ రోజు జరగబోయే మ్యాచ్‌లో కోహ్లీ మరో 25 పరుగులు చేస్తే ఆడిలైడ్‌లో 1000 పరుగులు చేసిన తొలి విదేశీ బ్యాటర్‌గా నిలుస్తాడు. ఇప్పటివరకు ఇక్కడ నాలుగు వన్డేలు ఆడిన కోహ్లీ రెండో సెంచరీలతో సహా 244 పరుగులు చేశాడు. ఈ రోజు మ్యాచ్‌లో కూడా రాణించాలని కృతనిశ్చయంతో ఉన్నాడు (Kohli form).

ఆడిలైడ్ పిచ్‌లో రోహిత్ శర్మ రికార్డు మాత్రం అత్యంత పేలవంగా ఉంది (Rohit Sharma performance). ఇప్పటివరకు ఈ మైదానంలో ఆరు వన్డే మ్యాచ్‌లు ఆడిన రోహిత్ కేవలం 147 పరుగులు మాత్రమే చేశాడు. అందులో ఒక్క అర్థశతకం కూడా లేదు. ఈ మైదానంలో రోహిత్ అత్యధిక స్కోరు 47 పరుగులు మాత్రమే. మరి, ఈ రోజు మ్యాచ్‌లో ఎలా రాణిస్తాడో చూడాలి. ఈరోజు జరగబోయే మ్యాచ్‌లో గెలిస్తేనే ఈ సిరీస్‌పై టీమిండియా ఆశలు సజీవంగా ఉంటాయి.

ఇవి కూడా చదవండి..

పసిడి ప్రియులకు గుడ్ న్యూస్.. బంగారం ధర మరింత తగ్గింది..

సత్య నాదెళ్ల వేతనం రూ.850 కోట్లు

మరిన్ని తాజా వార్తలు కోసం క్లిక్ చేయండి..