ప్రీక్వార్టర్స్‌కు లక్ష్య సేన్‌,మాళవిక

ప్రణయ్‌ ఇంటిదారి

ఆల్‌ ఇంగ్లండ్‌ బ్యాడ్మింటన్‌

బర్మింగ్‌హామ్‌: ఆల్‌ ఇంగ్లండ్‌ బ్యాడ్మింటన్‌ చాంపియన్‌షిప్‌లో భారత ఏస్‌ షట్లర్‌ లక్ష్య సేన్‌, మాళవిక బన్సోడ్‌ ముందంజ వేయగా.. హెచ్‌ఎస్‌ ప్రణయ్‌కు తొలి రౌండ్‌లోనే చుక్కెదురైంది. మంగళవారం జరిగిన పురుషుల సింగిల్స్‌ మొదటి రౌండ్‌లో లక్ష్య సేన్‌ 13-21, 21-17, 21-15తో లి యంగ్‌ (చైనీస్‌ తైపీ)పై గెలిచాడు. తొలి గేమ్‌లో ఓడినా.. సేన్‌ బలంగా పుంజుకొని మిగతా రెండు గేమ్‌లో నెగ్గాడు. రెండో రౌండ్‌లో మూడో సీడ్‌ జొనాథన్‌ క్రిస్టీ (ఇండోనేసియా)తో సేన్‌ తలపడనున్నాడు. కాగా, హెచ్‌ఎస్‌ ప్రణయ్‌ 19-21, 16-21తో టోమా జూనియర్‌ పొపోవ్‌ (ఫ్రాన్స్‌) చేతిలో వరుస గేముల్లో ఓడి టోర్నీ నుంచి నిష్క్రమించాడు. మహిళల సింగిల్స్‌లో మాళవిక బన్సోడ్‌ 21-13, 10-21, 21-17తో యో జి మిన్‌ (సింగపూర్‌)పై గెలిచి రెండో రౌండ్‌కు చేరుకొంది. మిక్స్‌డ్‌ డబుల్స్‌లో సతీష్‌ కుమార్‌-ఆద్య వరియత్‌ జంట 6-21, 15-21తో చైనాకు చెందిన గు జిన్‌ వ-చెన్‌ ఫాంగ్‌ హుయ్‌ చేతిలో ఓడింది. మహిళల డబుల్స్‌ తొలి రౌండ్‌లో అశ్విని పొన్నప్ప-తనీషా క్రాస్టో జంట 20-22, 18-21తో చైనీస్‌ తైపీకి చెందిన షి పి షాన్‌-హంగ్‌ యన్‌ జు చేతిలో పోరాడి ఓడింది.

ఇవీ చదవండి:

అందరి అడుగులు పంత్ ఇంటి వైపే

అంత ఈజీనా.. బుమ్రా భార్యకు రాహుల్ కౌంటర్

ట్రోఫీ సెర్మనీకి పాక్ డుమ్మా.. తెగ్గొట్టిన ఐసీసీ

మరిన్ని క్రీడా, తెలుగు వార్తల కోసం క్లిక్ చేయండి