TGIFS -2025: బే ఏరియాలో ఘనంగా ది గ్రేట్ ఇండియన్ ఫుడ్ అండ్ షాపింగ్ ఫెస్ట్!

అసోసియేషన్ ఆఫ్ ఇండో అమెరికన్స్ (AIA) ఆధ్వర్యంలో అమెరికాలోని బే ఏరియాలో ‘‘ది గ్రేట్ ఇండియన్ ఫుడ్ అండ్ షాపింగ్ ఫెస్ట్ (TGIFS)-2025’’ ఘనంగా ముగిసింది. మే 10 న బిషప్ రాంచ్‌లోని సిటీ సెంటర్ లో జరిగిన ఈ గ్రేట్ ఇండియన్ ఫుడ్ అండ్ షాపింగ్ ఫెస్టివల్‌కు వేలాది మంది హాజరయ్యారు. శాన్ రామన్‌లో జరిగిన ఈ వేడుకలు భారతీయ సంస్కృతికి అద్దం పట్టాయి.

ఫుడ్, షాపింగ్, సంగీతం, సాంస్కృతిక ఉత్సవాల కలబోతగా గ్రేట్ ఇండియన్ ఫుడ్ అండ్ షాపింగ్ ఫెస్ట్ నిలిచింది. ఏఐఏ ఆధ్వర్యంలో జరిగిన ఈ కార్యక్రమానికి బాలీ 92.3 FM కోస్పాన్సర్‌గా వ్యవహరించింది. బే ఏరియా ప్రజలను ఈ కార్యక్రమం విశేషంగా ఆకర్షించింది. ఈ కార్యక్రమాన్ని విజయవంతం చేసిన సాన్ రామన్ నగర, సిటీ సెంటర్ బిషప్ రాంచ్, అన్ని కమ్యూనిటీ భాగస్వాములు, స్పాన్సర్లు, విక్రేతలు, శ్రేయోభిలాషులకు ఏఐఏ హృదయపూర్వక కృతజ్ఞతలు తెలియజేసింది.

ఈవెంట్ హైలైట్స్

• దుస్తులు, ఆభరణాలు, కళ, అలంకరణ మరియు స్థానిక వ్యాపారాలతో కూడిన 100+ షాపింగ్ బూత్‌లు

• బిర్యానీ మొదలు వెజ్ భోజనం వరకు దోసెల నుండి జిలేబీ వరకు... చాట్‌ నుండి మామిడి లస్సీ వరకు పలు రకాల ఐటమ్స్ అందించే 20కి పైగా ఫుడ్ బూత్‌లతో కూడిన రుచికరమైన భారతీయ ఫుడ్ ఫెస్టివల్

• భారతీయులకు అత్యంత పసందైన మామిడి పండుతో జ్యూస్‌లు, డిజర్ట్‌లు మరియు పలు రకాల ఐటమ్స్ తో మ్యాంగో ఫెస్టివల్

• కార్నివాల్ రైడ్‌లు, ఆటలు... పిల్లలు మరియు పెద్దల కోసం మాయాబజార్ ఎక్స్‌ప్రెస్ రైలు ప్రయాణం

• ఈబీకే మ్యూజికల్ ద్వారా నాన్‌స్టాప్ సాంస్కృతిక కార్యక్రమాలు, డీజే సంగీతం మరియు పలు రకాల లైవ్ ప్రదర్శనలు

• మదర్స్ డే సందర్భంగా ప్రత్యేక మామ్ & మీ ఫ్యాషన్ షో

• పిల్లలకు ఇష్టమైన ఛోటా భీమ్ పాత్రధారి ప్రదర్శన పిల్లలతో పాటు ఆహూతులను కూడా అలరించింది.

ఈ కార్యక్రమానికి హాజరైన ప్రముఖులు

• డాక్టర్ శ్రీకర్ రెడ్డి, భారత కాన్సుల్ జనరల్, శాన్ ఫ్రాన్సిస్కో

• మార్క్ ఆర్మ్‌స్ట్రాంగ్, శాన్ రామన్ మేయర్

• శ్రీధర్ వెరోస్, శాన్ రామన్ వైస్ మేయర్

• డెంటన్ కార్ల్సన్, శాన్ రామన్ చీఫ్ ఆఫ్ పోలీస్

• ట్రేసీ అవెలార్, చీఫ్ ఆఫ్ పోలీస్, ప్లెసాంటన్

• బెన్ బారియంటోస్, కౌన్సిల్ సభ్యుడు, లివర్‌మోర్

• ఢిల్లీ భట్టరాయ్, కౌన్సిల్ సభ్యుడు, హెర్క్యులస్

• కరిష్మా ఖత్రి, అసెంబ్లీ సభ్యుడు లిజ్ ఒర్టెగా కార్యాలయం (AD 20)

విభిన్న వర్గాలను ఒకచోట చేర్చి, అట్టడుగు స్థాయి వ్యవస్థాపకతను ప్రోత్సహించినందుకు ఏఐఏను డాక్టర్ శ్రీకర్ రెడ్డి ప్రశంసించారు. "ఒక జిల్లా - ఒక ఉత్పత్తి" కాన్సెప్ట్‌ను అభినందించారు. మేయర్ ఆర్మ్‌స్ట్రాంగ్, ఇతర ప్రముఖులు ఈ కార్యక్రమం విజయవంతం చేసిన ఏఐఏ, వాలంటీర్లను ప్రశంసించారు.

భారతీయ సంస్కృతిని ప్రతిబింబించేలాగా స్థానిక వ్యాపారాలకు మద్దతివ్వడంతోపాటు ఇక్కడి కుటుంబాలకు ఆహ్లాదకరమైన ఈవెంట్‌ను అందించడం తమకు గర్వకారణం అని ఏఐఏ నిర్వాహకులు అన్నారు. శాన్ రామన్ నగరం, బిషప్ రాంచ్, వారి అద్భుతమైన వలంటీర్లతో ఇది సాధ్యమైందని అన్నారు.

ఈ కార్యక్రమానికి స్పాన్సర్లు

• గ్రాండ్ స్పాన్సర్: సంజీవ్ గుప్తా, CPA

• ప్లాటినం స్పాన్సర్: రియల్టర్ లావణ్య దువ్వి

• స్ట్రీమింగ్ పార్టనర్: ZEE5

• ట్రావెల్ పార్టనర్: ట్రావెలాపాడ్

• ఆధారితం: రియల్టర్ నాగరాజ్ అన్నీయా

• ఎక్స్ క్లూజివ్ ప్రింట్ మీడియా పార్టనర్:నమస్తే ఆంధ్ర

• ఇతర స్పాన్సర్లు: పెర్లే విజన్, ఇన్‌స్టా సర్వీసెస్, రేణు బయోమ్, ఆర్థిక సలహాదారు ఆజాద్ అరమాండ్ల, భాను మాంగోస్,

• శ్రీ శివసాయి ఇండియన్ మార్ట్

విక్రేతలు, వలంటీర్ల అద్భుతమైన ప్రణాళిక, సమన్వయం కారణంగా ఈ కార్యక్రమం సజావుగా జరిగిందని ఏఐఏ నిర్వాహకులు అన్నారు. బే ఏరియాలోని ఇండియన్ అమెరికన్ కమ్యూనిటీకి టీజీఐఎఫ్ఎస్ ఒక ల్యాండ్‌మార్క్ ఈవెంట్‌గా గుర్తింపు పొందిందని హర్షం వ్యక్తం చేశారు. రాబోయే సంవత్సరం నిర్వహించబోయే ఈవెంట్ కోసం ప్రణాళికలు ఇప్పటి నుంచే అమలులో ఉన్నాయని చెప్పారు. మే 9, 2026న ఈ ఈవెంట్ కోసం డేట్ రిజర్వ్ చేశామని, అన్నీ సజావుగా జరిగితే ఆ తేదీన TGIFS - 2026 జరుపుతామని చెప్పారు. ఈ పండుగ సంప్రదాయాన్ని కొనసాగించడానికి, కమ్యూనిటీకి మరింత ఉత్సాహాన్ని తీసుకురావడానికి ఏఐఏ ఎదురుచూస్తోందని నిర్వాహకులు చెప్పారు.

అమెరికాలో నివసిస్తున్న భారతీయ అమెరికన్ కమ్యూనిటీకి భారతీయ సంస్కృతి, వారసత్వం గురించి చర్చించేందుకు అసోసియేషన్ ఆఫ్ ఇండో అమెరికన్స్ (AIA) ఒక చక్కని వేదికను అందిస్తున్న ఎన్ జీవో సభ్యుల మధ్య సాంస్కృతిక, సామాజిక పరిచయాలను ప్రోత్సహించడం AIA లక్ష్యం. భారత ఉపఖండానికి సంబంధించిన సాంస్కృతిక కార్యక్రమాలు, విద్యా కార్యక్రమాలను నిర్వహించడం, భారత ఉపఖండంలోని విభిన్న సాంస్కృతిక వారసత్వాన్ని, సంస్కృతిని సభ్యులతో పంచుకోవడం ఈ సంస్థ ముఖ్య ఉద్దేశ్యాలు.

ఇవి కూడా చదవండి:

ఝార్ఖండ్‌లో విజయవంతంగా శంకర్ నేత్రాలయ శస్త్రచికిత్స శిబిరాలు

ఐర్‌లాండ్‌లో శ్రీ వాసవి కన్యకాపరమేశ్వరి అమ్మవారి జన్మదినోత్సవ కార్యక్రమాలు

ఎన్టీఆర్ సినీ వజ్రోత్సవానికి సౌదీ పిలుస్తోంది రా.. కదలి రా

SATA: సాటా రియాధ్ అధ్యక్షురాలిగా చేతన నియామకం

బహ్రెయిన్‌లో ఘనంగా చంద్రబాబు 75వ జన్మదిన వేడుకలు

Read Latest and NRI News