Tips to Remove Hair Dye: తల రంగు మరకలా

మనలో చాలామంది తలకు రంగు వేసుకుంటూ ఉంటారు. ఎన్ని జాగ్రత్తలు తీసుకున్నప్పటికీ నుదుటిమీద, మెడ చుట్టూ నల్లని రంగు మరకలు ఏర్పడుతుంటాయి. వీటిని సులభంగా వదిలించే చిట్కాల గురించి తెలుసుకుందాం...

• రెండు చుక్కల మేకప్‌ రిమూవర్‌ లేదా నెయిల్‌ పాలిష్‌ రిమూవర్‌ను చిన్న దూది వుండ మీద వేసి దానితో మరకల మీద మెల్లగా రుద్దాలి. ఆపైన గోరువెచ్చని నీటితో శుభ్రం చేసుకుంటే మరకలు పోతాయి. తరవాత చర్మం పొడిబారకుండా మాయిశ్చరైజర్‌ రాసుకోవాలి.

• రంగు మరకల మీద కొద్దిగా టూత్‌పేస్ట్‌ను రాయాలి. తరవాత మెత్తని చేతి రుమాలు లేదా పాత టూత్‌బ్రష్‌తో రెండు నిమిషాలపాటు రుద్దాలి. ఆపైన గోరువెచ్చని నీటితో కడిగేసుకుంటే మరకలు తొలగిపోతాయి.

• మరకల మీద వైట్‌ పెట్రోలియం జెల్లీని రాసి చేతి వేళ్లతో మృదువుగా రుద్దాలి. తరవాత తడి గుడ్డతో తుడిచేస్తే మరకలు పోతాయి.

• వెనిగర్‌లో ముంచిన దూది లేదా నిమ్మ చెక్కతో రుద్ది కూడా మరకలను వదిలించుకోవచ్చు.

• చిన్న గిన్నెలో బేబీ ఆయిల్‌, ఎసెన్షియల్‌ ఆయిల్‌, ఆలివ్‌ ఆయిల్‌లలో ఒకదాన్ని తీసుకుని కొద్దిగా వేడిచేసి మరకల మీద రాయాలి. అయిదు నిమిషాల తరవాత గోరువెచ్చని నీటితో కడిగేసుకుంటే ఫలితం కనిపిస్తుంది.

ఈ వార్తలు కూడా చదవండి...

ఏబీఎన్ ఆంధ్రజ్యోతి ఎఫెక్ట్.. ఎట్టకేలకు అమరావతిలోని సీఆర్డీఏ భవనానికి మోక్షం

వాయుగుండం ఎఫెక్ట్.. ఏపీలో భారీ వర్షాలు