పిగ్మెంటేషన్‌ తగ్గిద్దామిలా

చాలా మంది మహిళలను ఇబ్బంది పెట్టే సమస్య పిగ్మెంటేషన్‌ (మంగు మచ్చలు). ఈ మచ్చలను ఇంట్లోనే ఎలా తగ్గించుకోవచ్చో తెలుసుకుందాం..

• ఒక టేబుల్‌ స్పూన్‌ తేనెలో ఒక టేబుల్‌ స్పూన్‌ కలబంద గుజ్జును కలిపి మచ్చల మీద రాసి అరగంట సేపు తరువాత కలిగేయాలి.

• పుదీనా ఆకులను రుబ్బి ఆ పేస్టును మచ్చల మీద రాయాలి. పావుగంట తరువాత కడిగేయాలి.

• రెండు టేబుల్‌ స్పూన్ల ఓట్‌ మీల్‌, టేబుల్‌ స్పూన్‌ పెరుగు, కొంచెం టమాటా రసం వేసి బాగా కలపాలి. ఈ మిశ్రమాన్ని మంగు మచ్చలపై రాసి ఇరవై నిమిషాల తరువాత కడిగేయాలి.

• నారింజ తొక్కను ఎండబెట్టి పొడి చేసుకుని అందులో కొన్ని పాలు పోసి పేస్ట్‌లా చేసుకోవాలి. దీనిని మచ్చలపై రాయాలి. ఆరిన తరువాత చల్లటి నీళ్లతో కడిగేసుకోవాలి.

• బంగాళదుంపల రసాన్ని మచ్చల మీద రాసి అరగంట తరువాత కడిగేసుకోవాలి.

• పసుపులో పాలు పోసి పేస్ట్‌లా కలుపుకోవాలి. దీనిని మచ్చల మీద రాసి 20 నిమిషాల తరువాత కడిగేసుకోవాలి.

• వాడిన గ్రీన్‌ టీ బ్యాగులతో మచ్చల మీద రుద్దాలి. రోజుకు రెండుసార్లు ఇలా చేస్తే మచ్చలు తగ్గుతాయి.

• యాపిల్‌ సైడర్‌ వెనిగర్‌, నీళ్లు సమపాళ్లలో తీసుకుని కలిపి ఆ మిశ్రమాన్ని దూదితో మచ్చల మీద అద్దాలి. 5 నిమిషాల తరువాత గోరువెచ్చని నీటితో కడిగేయాలి. రోజూ రెండుసార్లు ఇలా చేయాలి.

• రాత్రి పడుకునే ముందు కలబంద గుజ్జును రాసుకుని, ఉదయాన్నే గోరువెచ్చని నీటితో కడిగేసుకోవాలి. రోజూ ఇలా చేయడం వలన మంచి ఫలితం ఉంటుంది.

ఈ వార్తలు కూడా చదవండి..

సెంట్రల్ బ్యాంకులో 4,500 జాబ్స్.. అర్హతలు ఎలా ఉన్నాయంటే..

మీ పర్సనల్ లోన్ ఇలా తీర్చుకోండి.. మీ ఖర్చులు తగ్గించుకోండి..

For National News And Telugu News