Home Tips For Health: ఈ వస్తువులను వెంటనే మీ ఇంటి నుండి పారవేయండి

ఇంటర్నెట్ డెస్క్: ఇంట్లో అందరూ ఆరోగ్యంగా ఉండాలని కోరుకోవడం సహజం, కానీ కొన్నిసార్లు ఇంట్లోని వస్తువుల వల్ల అనారోగ్య సమస్యలు కలుగుతాయి. దీని కారణంగా, ఇంటి వాతావరణం మొత్తం అనారోగ్యంగా మారుతుంది. ఇంట్లో ఉపయోగించే ఈ వస్తువులు క్రమంగా మన ఆరోగ్యానికి హాని కలిగిస్తాయి. కాబట్టి, అలాంటి వాటిని వెంటనే బయట పడేయడం మంచిదని ఆరోగ్య నిపుణులు చెబుతున్నారు. ఆ వస్తువులు ఏమిటి? ఆరోగ్యంపై దాని ప్రభావాలు ఏమిటి? అనే విషయాలను ఇప్పుడు తెలుసుకుందాం..

ప్లాస్టిక్ సీసాలు లేదా డబ్బాలు:

ఎట్టి పరిస్థితుల్లోనూ ప్లాస్టిక్ బాటిళ్లు లేదా డబ్బాలను ఉపయోగించకండి. ఇంట్లో ఉన్న ప్లాస్టిక్ వాటిని వెంటనే పారవేయండి. ప్లాస్టిక్‌ను దీర్ఘకాలికంగా ఉపయోగించడం వల్ల విషపూరిత రసాయనాలు విడుదలవుతాయి. ఈ రసాయనాలు మన ఆహారం, పానీయాలలోకి చేరి, మన ఆరోగ్యానికి హాని కలిగిస్తాయి. కాబట్టి, ఆహారాన్ని తినడానికి లేదా నిల్వ చేయడానికి స్టీల్ లేదా గాజు పాత్రలు, సీసాలను ఉపయోగించండి.

నాఫ్తలీన్ మాత్రలు:

ముందుగా, బట్టలకు ఉపయోగించే నాఫ్తలీన్ మాత్రలను వాడటం మానేయండి. బట్టలు లేదా అల్మారాలలో ఉంచే ఈ తెల్లటి బంతి ఆకారపు మాత్రలను వాడకూడదని వైద్యులు అంటున్నారు. అనుకోకుండా మింగితే అవి ప్రాణాంతకం కావచ్చు. కాబట్టి, ఈ మాత్రలను ఇంటి లోపల ఉంచకుండా ఉండండి.

మెటల్ లేదా అల్యూమినియం కంటైనర్లు:

చౌకైన మెటల్ లేదా అల్యూమినియం పాత్రలలో వంట చేయడం ఆరోగ్యానికి ఏ మాత్రం మంచిది కాదు. ఇది నెమ్మదిగా మీ ఆరోగ్యంపై చెడు ప్రభావం చూపుతుంది. స్టెయిన్‌లెస్ స్టీల్, కాస్ట్ ఐరన్ లేదా ఇతర అధిక నాణ్యత గల పాత్రలను ఎంచుకోండి.

డెజర్ట్‌లు, పానీయాలు

కృత్రిమ రంగులతో తయారుచేసిన స్వీట్లు, పానీయాలలో వివిధ రసాయనాలు ఉంటాయి. ఇవి పిల్లలు, పెద్దల ఆరోగ్యంపై ప్రతికూల ప్రభావం చూపుతాయి. సహజమైన, ఇంట్లో వండిన ఆహారాన్ని తినడం మంచిది.

పాత పరుపు, దిండ్లు

మీ ఇంట్లో పాత పరుపులు, దిండ్లు ఉంచుకోవద్దని వైద్యులు సలహా ఇస్తున్నారు, ఎందుకంటే ఇది మీ ఆరోగ్యంపై కూడా ప్రభావం చూపుతుంది. కాలక్రమేణా, అవి దుమ్ము, కీటకాలకు నిలయంగా మారవచ్చు. దీనివల్ల అలెర్జీలు, శ్వాసకోశ సమస్యలు, వెన్నునొప్పి వస్తాయి. కాబట్టి మంచి నిద్ర, ఆరోగ్యం కోసం పాత పరుపు, దిండ్లను వెంటనే పారవేయండి.

Also Read:

ఈ కషాయం మితిమీరిన కోపాన్ని కంట్రోల్ చేస్తుందా?

విదేశీయులు ఇష్టపడే భారతదేశంలోని అత్యంత ప్రత్యేకమైన గ్రామాలు ఇవే

For More Latest News