Adelaide: ఆస్ట్రేలియాలో దారుణం.. జాతి వివక్షతతో భారతీయుడిపై దాడి
ABN , Publish Date - Jul 23 , 2025 | 04:09 PM
Adelaide: అందరూ కలిసి చంద్రప్రీత్ను బయటకు లాగి చేతులు, కాళ్లతో విచక్షణా రహితంగా దాడి చేశారు. కిందపడేసి మరీ కొట్టారు. తర్వాత అక్కడి నుంచి కారులో వెళ్లిపోయారు.
అడిలైడ్: ఆస్ట్రేలియాలో అత్యంత అమానుషమైన సంఘటన ఒకటి చోటుచేసుకుంది. అడిలైడ్ సిటీలో జాతి వివక్ష బుసలు కొట్టింది. ఐదుగురు వ్యక్తులు ఓ ఇండియన్ స్టూడెంట్ను అత్యంత దారుణంగా కొట్టి.. బ్రెయిన్ స్ట్రోక్కు గురి చేశారు. దీంతో ఆస్ట్రేలియాలోని స్టూడెంట్ కమ్యూనిటీలో ఒక్కసారిగా అలజడి మొదలైంది. సంఘటనకు సంబంధించిన పూర్తి వివరాల్లోకి వెళితే.. చంద్రప్రీత్ సింగ్ అనే వ్యక్తి చదువు నిమిత్తం కొన్ని నెలల క్రితమే భార్యతో కలిసి ఆస్ట్రేలియా వెళ్లాడు.
అడిలైడ్లో ఇళ్లు తీసుకుని ఉంటున్నాడు. జులై 19వ తేదీన లైట్ల ప్రదర్శన చూడటానికి తన భార్యతో కలిసి కిన్టోర్ అవెన్యూకు వెళ్లాడు. అక్కడికి చేరుకుని కారు పార్క్ చేస్తూ ఉండగా.. వెనుక నుంచి ఓ కారు వచ్చి ఆగింది. అందులోంచి ఓ ఐదుగురు వ్యక్తులు కిందకు దిగారు. చంద్రప్రీత్ కారు దగ్గరకు వచ్చారు. ‘భారతీయుడా....’ అంటూ బూతులు తిడుతూ అతడిపై విరుచుకుపడ్డారు. ఓ వ్యక్తి చేతికి ఇనుప కంకణం ఉంది.
దాని సాయంతో ఆ వ్యక్తి కారు అద్దాన్ని బద్దలు కొట్టాడు. తర్వాత అందరూ కలిసి చంద్రప్రీత్ను బయటకు లాగి చేతులు, కాళ్లతో విచక్షణా రహితంగా దాడి చేశారు. కిందపడేసి మరీ కొట్టారు. తర్వాత అక్కడి నుంచి కారులో వెళ్లిపోయారు. దాడి సమాచారం అందుకున్న పోలీసులు సంఘటనా స్థలానికి చేరుకున్నారు. గాయపడ్డ చంద్రప్రీత్ను ఆస్పత్రికి తరలించారు. తీవ్రగాయాల కారణంగా చంద్రప్రీత్ బ్రెయిన్ స్ట్రోక్కు గురయ్యాడు. ఐసీయూలో చికిత్స పొందుతున్నాడు. ఇక, ఈ సంఘటనపై కేసు నమోదు చేసుకున్న పోలీసులు దర్యాప్తు చేపట్టారు.
ఇవి కూడా చదవండిః
ఐపీఎస్ అధికారి సంజయ్ బెయిల్పై సుప్రీంకోర్టు కీలక వ్యాఖ్యలు
ఆపరేషన్ సిందూర్పై పార్లమెంటులో చర్చకు తేదీ ఖరారు
