Monsoon Health Tips: వర్షంలో తడిస్తే ఈ నాలుగు జాగ్రత్తలు తప్పక తీసుకోండి.. లేదంటే..

Monsoon Health Tips: వర్షాకాలంలో అనేక ఆరోగ్య సమస్యలు వచ్చే అవకాశం ఉంది. ముఖ్యంగా, డెంగ్యూ, మలేరియా, చికున్‌గున్యా వంటి దోమల ద్వారా సంక్రమించే వ్యాధులు, అలాగే జలుబు, ఫ్లూ, దగ్గు, జీర్ణ సంబంధిత సమస్యలు, చర్మ వ్యాధులు వచ్చే అవకాశం ఉంది. కాబట్టి, ఈ సీజన్‌లో చాలా జాగ్రత్తగా ఉండాలి. ముఖ్యంగా వర్షంలో తడిసినప్పుడు తగిన జాగ్రత్తలు తీసుకోవాలి. లేదంటే జలుబు, దగ్గు, ఫ్లూ వంటి సమస్యలు వచ్చే ప్రమాదం పెరుగుతుంది. దాని ద్వారా జ్వరం, తలనొప్పి వంటి వ్యాధులు కూడా క్యూ కడతాయి. కాబట్టి, వర్షంలో తడిసిన వెంటనే ఈ జాగ్రత్తలు తీసుకోండి.

వెంటనే బట్టలు మార్చుకోండి

వర్షంలో తడిస్తే ముందుగా తడి బట్టలు మార్చుకోండి. ఎందుకంటే తడి బట్టలు శరీర ఉష్ణోగ్రతను తగ్గిస్తాయి. ఇది జలుబు, ఫ్లూ ప్రమాదాన్ని పెంచుతుంది. వీలైతే గోరువెచ్చని నీటితో స్నానం చేయండి. ఇది శరీరాన్ని వెచ్చగా ఉంచడమే కాకుండా చర్మంపై ఉన్న బ్యాక్టీరియాను కూడా తొలగిస్తుంది.

గోరువెచ్చని నీరు తాగండి

వర్షంలో తడిసిన తర్వాత శరీరాన్ని వెచ్చగా ఉంచడానికి హెర్బల్ టీ, అల్లం టీ లేదా గోరువెచ్చని నీరు వంటి వెచ్చని పానీయాలు తాగండి. అల్లం టీ, తులసి టీ రోగనిరోధక శక్తిని పెంచుతుంది. జలుబు, దగ్గును నివారిస్తుంది.

రోగనిరోధక శక్తిని పెంచే ఆహారం తీసుకోండి

వర్షంలో తడిసిన తర్వాత రోగనిరోధక శక్తిని బలోపేతం చేయడానికి నారింజ, నిమ్మకాయలు లేదా ఆమ్లా వంటి విటమిన్ సి అధికంగా ఉండే ఆహారాలను తినండి. టమోటా లేదా కూరగాయల సూప్ వంటి వెచ్చని సూప్‌లు శరీరాన్ని వెచ్చగా ఉంచడమే కాకుండా పోషకాలను కూడా అందిస్తాయి.

మీ పాదాలను వెచ్చగా ఉంచండి

పాదాలు తడిగా ఉంటే జలుబు, దగ్గు సమస్యలు వచ్చే అవకాశం ఉంది. కాబట్టి, మీ పాదాలను పూర్తిగా ఆరనివ్వండి. గోరువెచ్చని నీటిలో ఉప్పు వేసి 10-15 నిమిషాలపాటు మీ పాదాలను ఉంచితే రక్త ప్రసరణ మెరుగుపడుతుంది. జలుబు ప్రభావాన్ని తగ్గిస్తుంది. ఈ పద్ధతి అలసటను తగ్గించడంలో కూడా సహాయపడుతుంది.

Also Read:

మనకు ఎక్కిళ్ళు ఎందుకు వస్తాయో తెలుసా.. అది దేనికి సంకేతమంటే..

ఈ రసం ఆరోగ్యానికి నిధి.. అనేక సమస్యలకు తక్షణ పరిష్కారం.!

For More Health News