TGEAPCET Counseling schedule: ఇంజనీరింగ్.. ఫార్మసీ కళాశాలల్లో ప్రవేశాలకు కౌన్సెలింగ్ షెడ్యూల్ ఇదే..

TGEAPCET Counseling schedule 2025: తెలంగాణ రాష్ట్ర ఇంజనీరింగ్ , వ్యవసాయం, ఫార్మసీ కామన్ ఎంట్రన్స్ టెస్ట్ (TGEAPCET) - 2025 కోసం అడ్మిషన్ కమిటీ కౌన్సెలింగ్ షెడ్యూల్‌ను ప్రకటించింది. ఈ షెడ్యూల్‌ను తెలంగాణ రాష్ట్ర ఉన్నత విద్యా మండలి (TSCHE) చైర్మన్ వి. బాలకిష్ట రెడ్డి, సాంకేతిక విద్యా కమిషనర్ ఎ. శ్రీదేవసేన అధ్యక్షతన జరిగిన సమావేశంలో విడుదల చేశారు. కౌన్సెలింగ్ షెడ్యూల్‌కు సంబంధించిన వివరాల గురించి పూర్తిగా తెలుసుకుందాం..

మొదటి దశ:

• జూన్ 28 – జూలై 7: ఆన్‌లైన్ రిజిస్ట్రేషన్, ఫీజు చెల్లింపు, స్లాట్ బుకింగ్

• జూలై 1 – జూలై 8: సర్టిఫికెట్లు పరిశీలన

• జూలై 6 – జూలై 10: వెబ్ ఆప్షన్ ఎంట్రీ (కళాశాల ఎంపిక)

• జూలై 10: ఆప్షన్లను ఫ్రీజ్ చేయడం

• జూలై 13 (లేదా అంతకుముందు): మాక్ సీట్ల కేటాయింపు

• జూలై 14 – 15: ఆప్షన్లలో మార్పులు చేసుకునే అవకాశం

• జూలై 18 (లేదా అంతకుముందు): తాత్కాలిక సీటు కేటాయింపు

• జూలై 18 – 22: ట్యూషన్ ఫీజు చెల్లింపు, ఆన్‌లైన్ రిపోర్టింగ్

రెండవ దశ: మొదటి దశకు హాజరు కాని అభ్యర్థులు ఈ దశలో పాల్గొనవచ్చు..

• జూలై 25 నుండి ప్రారంభం

• జూలై 26: సర్టిఫికెట్లు పరిశీలన

• జూలై 26 -27: వెబ్ ఆప్షన్ ఎంట్రీ

• జూలై 27: ఆప్షన్లను ఫ్రీజ్ చేయడం

• జూలై 30 : తాత్కాలిక సీట్లు కేటాయింపు

• జూలై 30 - ఆగస్టు 1 : ట్యూషన్ ఫీజు చెల్లింపు, ఆన్‌లైన్ రిపోర్టింగ్

• జూలై 31- ఆగస్టు 2 : కాలేజీలో రిపోర్టింగ్

• ఆగస్టు 3: కాలేజీలో జాయినింగ్ వివరాలు తెలుపడం

చివరి దశ:

• ఆగస్టు 5 నుండి ప్రారంభం

• ఆగస్టు 6న సర్టిఫికెట్లు పరిశీలన

• ఆగస్టు 6- 7 : వెబ్ ఆప్షన్ ఎంట్రీ

• ఆగస్టు 7: ఆప్షన్లను ఫ్రీజ్ చేయడం

• ఆగస్టు 10 లోగా సీట్ల కేటాయింపు

• ఆగస్టు 11 – 13 మధ్య కళాశాలలో రిపోర్ట్ చేయాలి

• ఆగస్టు 18 – 19 మధ్య అదే కళాశాలలో ఇంటర్నల్ స్లైడింగ్‌కు అవకాశం

ముఖ్య సూచనలు:

• అభ్యర్థులు అధికారిక వెబ్‌సైట్‌ (https://tgeapcet.nic.in) ను తరచుగా పరిశీలించాలి.

• కళాశాల రిపోర్టింగ్ సమయంలో ట్రాన్స్‌ఫర్ సర్టిఫికేట్ (TC), ఫొటోకాపీలు, ఇతర సర్టిఫికెట్లు తప్పనిసరిగా సమర్పించాలి.