టెక్‌ వ్యూ : మద్దతు స్థాయిలు 22,600, 22,400
ABN , Publish Date - Feb 24 , 2025 | 05:19 AM
గత వారం నిఫ్టీ కీలక మద్దతు స్థాయి 23,000 వద్ద విఫలమై అంతకన్నా దిగువన 22,800 సమీపంలో ముగిసింది. వరుసగా 14 ట్రేడింగ్‌ దినాలుగా నిరంతర డౌన్‌ట్రెండ్‌నే కొనసాగిస్తూ 1,000 పాయింట్లకు పైగా నష్టపోయింది...
టెక్‌ వ్యూ : మద్దతు స్థాయిలు 22,600, 22,400
గత వారం నిఫ్టీ కీలక మద్దతు స్థాయి 23,000 వద్ద విఫలమై అంతకన్నా దిగువన 22,800 సమీపంలో ముగిసింది. వరుసగా 14 ట్రేడింగ్‌ దినాలుగా నిరంతర డౌన్‌ట్రెండ్‌నే కొనసాగిస్తూ 1,000 పాయింట్లకు పైగా నష్టపోయింది. అమెరికన్‌ మార్కెట్లో శుక్రవారం నాటి ట్రెండ్‌ కారణంగా ఈ వారంలో మరింత నెగిటివ్‌గా ప్రారంభం కావచ్చు. సానుకూలత కోసం రాబోయే కొద్ది రోజుల్లో ప్రధాన మద్దతు స్థాయి 22,400 వద్ద కన్సాలిడేట్‌ కావాలి. మిడ్‌క్యాప్‌-100 సూచీ 830 పాయింట్లు, స్మాల్‌క్యాప్‌-100 సూచీ 230 పాయింట్ల మేరకు లాభపడినా అది కేవలం టెక్నికల్‌ పుల్‌బ్యాక్‌ రికవరీగానే భావించాలి.
బుల్లిష్‌ స్థాయిలు: సానుకూలత కోసం నిఫ్టీ మైనర్‌ నిరోధ స్థాయి 22,800 కన్నా పైన నిలదొక్కుకోవాలి. ప్రధాన నిరోధం, మానసిక అవధి 23,000.
బేరిష్‌ స్థాయిలు: ప్రధాన మద్దతు స్థాయి 22,400 మార్కెట్‌ కన్సాలిడేట్‌ కావచ్చు. సానుకూలత కోసం మార్కెట్‌ ఈ మద్దతు స్థాయి కన్నా పైన తప్పనిసరిగా నిలదొక్కుకోవాలి.
బ్యాంక్‌ నిఫ్టీ: గత 6 వారాలుగా ఈ సూచీ కన్సాలిడేషన్‌ ధోరణిలో ఉంది. సానుకూలత కోసం ప్రధాన నిరోధం 49,000 కన్నా పైన నిలదొక్కుకోవాలి. మరో ప్రధాన నిరోధం 49,600. మద్దతు స్థాయి 48,500 వద్ద విఫలమైతే స్వల్పకాలిక బలహీనత మరింతగా కొనసాగుతుంది. మరో ప్రధాన మద్దతు స్థాయి 47,800.
పాటర్న్‌: గత వారం మార్కెట్‌ 22,800 వద్ద ఏర్పడిన ‘‘డబుల్‌ బాటమ్‌ పాటర్న్‌’’ వద్ద బలహీనంగా ముగిసింది. 23,000 వద్ద ‘‘అడ్డంగా ఏర్పడిన రెసిస్టెన్స్‌ ట్రెండ్‌లైన్‌’’ వద్ద నిరోధం ఉంది. సానుకూలత కోసం ఆ పైన నిలదొక్కుకోవాలి. ఈ వారం మరింత డౌన్‌ట్రెండ్‌లో ప్రవేశించినట్టయితే మార్కెట్‌ ఓవర్‌సోల్డ్‌ స్థితిలోకి ప్రవేశిస్తుంది. ఇక్కడ రికవరీ ఏర్పడవచ్చు.
టైమ్‌: ఈ సూచీ ప్రకారం సోమవారం తదుపరి మైనర్‌ రివర్సల్‌ ఉండవచ్చు.
సోమవారం స్థాయిలు
నిరోధం : 22,800, 22,880
మద్దతు : 22,660, 22,600
వి. సుందర్‌ రాజా
Read More Business News and Latest Telugu News
