India Direct Tax Collections: పన్ను వసూళ్లు రూ 12.92 లక్షల కోట్లు

న్యూఢిల్లీ: వర్తమాన ఆర్థిక సంవత్సరంలో ఇప్పటివరకు (ఈ నెల 10 నాటికి) నికర ప్రత్యక్ష పన్ను వసూళ్లు వార్షిక ప్రాతిపదికన 7ు వృద్ధితో రూ.12.92 లక్షల కోట్లు దాటా యి. కార్పొరేట్‌ పన్ను వసూళ్లు పుంజుకోవడంతోపాటు రిఫండ్లు నెమ్మదించడం ఇందుకు దోహదపడింది. 2024-25 ఆర్థిక సంవత్సరంలో ఇదే కాలానికి నికర ప్రత్యక్ష పన్ను వసూళ్లు రూ.12.08 లక్షల కోట్లుగా నమోదయ్యాయి. మరిన్ని విషయాలు..

• ఈ ఏప్రిల్‌ 1- నవంబరు 10 మధ్యకాలంలో రిఫండ్ల జారీ వార్షికంగా 18ు తగ్గి రూ.2.42 లక్షల కోట్లకు పరిమితమైంది. నికర కార్పొరేట్‌ పన్ను వసూళ్లు రూ.5.37 లక్షల కోట్లకు పెరిగాయి.

• వ్యక్తులు, హిందూ అవిభాజ్య కుటుంబాలు సహా కార్పొరేటేతర పన్ను నికర వసూళ్లు రూ.7.19 లక్షల కోట్లకు ఎగబాకాయి. 2024-25లో ఇదే కాలానికి కార్పొరేట్‌ పన్ను వసూళ్లు రూ.5.08 లక్షల కోట్లు, కార్పొరేటేతర పన్ను వసూళ్లు రూ.6.62 లక్షల కోట్లుగా నమోదయ్యాయి.

• ప్రస్తుత ఆర్థిక సంవత్సరంలో ఇప్పటివరకు సెక్యూరిటీ లావాదేవీల పన్ను (ఎస్‌టీటీ) వసూళ్లు రూ.35,682 కోట్లుగా ఉన్నాయి. 2024-25లో ఇదే సమయానికి నమోదైన రూ.35,923 కోట్ల వసూళ్లతో పోలిస్తే స్వల్పంగా తగ్గాయి.

• రిఫండ్లు మినహాయించకముందు, స్థూల ప్రత్యక్ష పన్ను వసూళ్లు వార్షిక ప్రాతిపదికన 2.5 శాతం వృద్ధితో రూ.15.35 లక్షల కోట్లకు చేరాయి. - 2024-25 ఆర్థిక సంవత్సరంతో పోలిస్తే 2025-26లో ప్రత్యక్ష పన్ను వసూళ్లు 12.7 శాతం పెరిగి రూ.25.20 లక్షల కోట్ల చేరుకోవచ్చని కేంద్ర ప్రభుత్వం ఈసారి బడ్జెట్లో అంచనా వేసింది. అందులో ఎస్‌టీటీ వసూళ్లు రూ.78,000 కోట్లుగా ఉండవచ్చని అంచనా.

ఇవి కూడా చదవండి:

పసిడి ప్రియులకు షాక్.. భారీగా పెరిగిన బంగారం ధరలు..

లాభాలతో ప్రారంభమై నష్టాల్లోకి.. ఈ రోజు టాప్ ఫైవ్ స్టాక్స్ ఇవే..