Salary Hike India 2026: వచ్చే ఏడాది జీతాల్లో 9% వృద్ధి
ABN , Publish Date - Dec 18 , 2025 | 06:46 AM
వచ్చే ఏడాది దేశంలో ఉద్యోగుల జీతాల్లో సగటు వృద్ధి 9 శాతం ఉండవచ్చునంటున్నారు. అయితే స్వల్పకాలిక ప్రోత్సాహకాలు, నైపుణ్య ఆధారిత విధానాలపై కంపెనీలు మరోసారి...
మెర్సర్ సర్వే నివేదిక
న్యూఢిల్లీ: వచ్చే ఏడాది దేశంలో ఉద్యోగుల జీతాల్లో సగటు వృద్ధి 9 శాతం ఉండవచ్చునంటున్నారు. అయితే స్వల్పకాలిక ప్రోత్సాహకాలు, నైపుణ్య ఆధారిత విధానాలపై కంపెనీలు మరోసారి దృష్టి సారించవచ్చునని ఒక అధ్యయనంలో తేలింది. మెర్సర్ కంపెనీ టోట ల్ రెమ్యూనిరేషన్ సర్వే 2026 పేరిట నిర్వహించిన అధ్యయనంలో పలువురు ఈ అభిప్రాయాలు ప్రకటించారు. వ్యక్తిగత పనితీరు, ద్రవ్యోల్బణ ధోరణు లు, ఉద్యోగాల మార్కెట్లో సంస్థల పోటీ సామర్థ్యం వంటి అంశాలు వేతనాల పెంపును ప్రభావితం చేస్తున్నాయని ఆ సర్వేలో పాల్గొన్న వారు అభిప్రాయపడ్డారు. దేశంలోని చాలా కంపెనీలు వ్యయ ఒత్తిడులను సమతూకం చేసుకుంటూ ప్రతిభావంతులు తరలిపోకుండా కాపాడుకుంటూ వేతనాల పెంపును అమలుపరచవచ్చునని తమ సర్వేలో తే లిందని మెర్సర్ రివార్డ్స్ కన్సల్టింగ్ లీడర్ (ఇండియా) మాలతి కెఎస్ అన్నారు.
ముఖ్యాంశాలు...
రంగాలవారీగా పరిశీలించినట్టయితే వేతన వృద్ధి ఆటోమోటివ్ రంగంలో అత్యధికంగా 9.5% ఉండవచ్చు. 9.3 శాతంతో హైటెక్ (ఉత్పత్తులు, కన్సల్టింగ్) తర్వాతి స్థానంలో నిలువవచ్చు.
ఐటీ, ఐటీఈఎస్, జీసీసీలు ఉద్యోగుల సంక్షేమానికి పెద్దపీట వేస్తూ నవ్య, ప్రగతిశీలక ప్రయోజనాలు ఉద్యోగులకు అందించే ఆస్కారం ఉంది.
భారత్ డిజిటల్ పరివర్తన బాటలో నడుస్తున్న నేపథ్యంలో కంపెనీలు ఉత్పాదకతపై ఫోకస్ పెంచవచ్చు. వ్యయ నియంత్రణకు ప్రాధాన్యత ఇస్తూనే ఇంక్రిమెంట్లు పొందే అర్హత ఎంత మం దికి ఉంది అని మదింపు చేసే ఆస్కారం ఉంది.
ఇవీ చదవండి:
జీవితకాల కనిష్ఠ స్థాయికి చేరిన రూపాయి
యశోద హాస్పిటల్స్, ఆర్ఎస్ బ్రదర్స్ పబ్లిక్ ఇష్యూలకు సెబీ ఓకే
