Polavaram Project: జల సంఘం చేతిలో ‘వాల్‌’ భవిత

ఒకట్రెండు రోజుల్లో నిర్ణయం!

అమరావతి, జనవరి 12 (ఆంధ్రజ్యోతి): పోలవరం ప్రాజెక్టులో కీలకమైన డయాఫ్రం వాల్‌ నిర్మాణ పనులపై ఒకవైపు తొందరపెడుతూనే.. మరోవైపు లేనిపోని సందేహాలతో కేంద్ర జల సంఘం జాప్యం చేస్తోంది. ఇప్పుడు సదరు వాల్‌ నిర్మాణ భవితవ్యం దాని చేతుల్లోనే ఉంది. దాని నిర్మాణానికి టీ-16 ప్లాస్టిక్‌ కాంక్రీట్‌ మిశ్రమాన్ని వాడాలని సూచిస్తూ అంతర్జాతీయ నిపుణుల ప్యానెల్‌ శనివారం నివేదిక పంపింది. పోలవరం ప్రాజెక్టు అథారిటీ (పీపీఏ) ద్వారా అది జలసంఘానికి అందింది. ఇదే సమయంలో సెంట్రల్‌ సాయిల్‌-మెటీరియల్స్‌ రీసెర్చ్‌ స్టేషన్‌ (సీఎ్‌సఎంఆర్‌ఎస్‌) మాత్రం గతంలో డయాఫ్రం వాల్‌ నిర్మాణానికి వాడిన టీ-5 మిశ్రమాన్నే కొత్త వాల్‌కు కూడా వినియోగించాలని సిఫారసు చేసింది. దాని నివేదికనూ పీపీఏ జలసంఘానికి పంపింది. అటు దేశీయ నిపుణులు కూడా.. టీ-5 ప్లాస్టిక్‌ కాంక్రీట్‌ మిశ్రమమే మేలని అంటున్నారు. ఈ నేపథ్యంలో ఈ రెండు నివేదికలను అంతర్గతంగా సమీక్షించుకుని ఒకట్రెండు రోజుల్లో జలసంఘం తన అభిప్రాయాన్ని వెల్లడించనుంది.