అదానితో విద్యుత్‌ ఒప్పందాలు రద్దు చేయాలి

సీపీఎం కేంద్ర కమిటీ సభ్యుడు, మాజీ ఎమ్యెల్యే గపూర్‌

మాట్లాడుతున్న గపూర్‌

నంద్యాల రూరల్‌, జనవరి 30 (ఆంధ్రజ్యోతి): అదానితో ప్రభుత్వం చేసుకున్న విద్యుత్‌ ఒప్పందాలను తక్షణమే రద్దు చేసుకోవాలని సీపీఎం కేంద్ర కమిటీ సభ్యుడు, మాజీ ఎమ్యెల్యే గపూర్‌ డిమాండ్‌ చేశారు. ఫిబ్రవరి 1, 2, 3 తేదీలలో నెల్లూరులో జరుగుతున్న రాష్ట్ర మహాసభలకు బయలుదేరిన జీపు జాతాను నంద్యాల పట్టణం గాంధీచౌక్‌ వద్ద ఆయన ప్రారంభించారు. ఈ సందర్భంగా ఆయన ముఖ్యమంత్రి చంద్రబాబు విజన్‌ 2020 అంటూ ప్రజలను మోసం చేశారని వ్యాఖ్యానించారు. సూపర్‌సిక్స్‌ పథకాల అమలులో చేతులెత్తేశారని విమర్శించారు. అదానితో చేసుకున్న విద్యుత్‌ ఒప్పందాల వల్ల కరెంట్‌ చార్జీలు పెరుగుతాయని అన్నారు. కాబట్టి ఆ ఒప్పందాలను రద్దు చేసుకోవాలని అన్నారు. జీపు జాతా ప్రారంభంలో జిల్లా కార్యదర్శి రమేష్‌కుమార్‌, కార్యదర్శి వర్గ సభ్యుడు నాగరాజు, జిల్లా కమిటీ సభ్యుడు పుల్లా నరసింహ తదితరులు పాల్గొన్నారు.