వృద్ధుడి అదృశ్యం
ABN , Publish Date - Jun 07 , 2024 | 11:53 PM
పోచారం ఐటీసీ పోలీసుస్టేషన్‌ పరిధిలో ఓ వృద్ధుడి జాడ కనిపించడంలేదని కుటుంబసభ్యులు పోలీసులను ఆశ్రయించారు.
ఘట్‌కేసర్‌ రూరల్‌, జూన్‌ 7: పోచారం ఐటీసీ పోలీసుస్టేషన్‌ పరిధిలో ఓ వృద్ధుడి జాడ కనిపించడంలేదని కుటుంబసభ్యులు పోలీసులను ఆశ్రయించారు. సీఐ రాజు వర్మ తెలిపిన వివరాలు ఇలా ఉన్నాయి. మండలంలోని కొర్రెముల, వెంకటాద్రికాల నీలో నివాసం ఉండే బొప్పిడి యాదిరెడ్డి(76) ఈనెల 5వ తేదీన ఇంటి నుంచి బయటకు వెళ్తున్నానని చెప్పి సాయంత్రమైనా తిరిగి రాలేదు. దీంతో అతడి కుటుంబసభ్యులు పరిసరాలు తిరిగి తెలిసిన వారిని, బంధువులను విచారించినా ఫలితం లేకపోవడంతో పోచారం ఐటీసీ పోలీసులకు ఫిర్యాదు చేశాడు. అదృశ్యమైన యాదిరెడ్డి దోతి, తెల్లని చొక్కా ధరించినట్లు తెలిపారు. యాదిరెడ్డి కుటుంబసభ్యుల ఫిర్యాదు మేరకు కేసు దర్యాప్తు చేస్తున్నట్లు సీఐ తెలిపారు.
