విద్యాభివృద్ధితోనే మహిళల్లో చైతన్యం
ABN , Publish Date - Mar 11 , 2024 | 12:25 AM
విద్యాభివృద్ధితోనే మహిళల్లో చైతన్యం కలుగుతుందని బీఆర్‌ఎస్‌ మండల నాయకులు తుంకి రమేశ్‌ అన్నారు.
శామీర్‌పేట, మార్చి 10: విద్యాభివృద్ధితోనే మహిళల్లో చైతన్యం కలుగుతుందని బీఆర్‌ఎస్‌ మండల నాయకులు తుంకి రమేశ్‌ అన్నారు. మజీద్‌పూర్‌లో తుంకి రమేశ్‌ ఆధ్వర్యంలో అంతర్జాతీయ మహిళా దినోత్సవం వేడుకలను నిర్వహించారు. ఈ సందర్భంగా తుంకి రమేశ్‌ మాట్లాడుతూ మహిళలు అన్నిరంగాల్లో రాణించినప్పుడే మహిళా సాధికారత సాధ్యమవుతుందన్నారు. అనంతరం కేక్‌కట్‌ చేసి మహిళా దినోత్సవ వేడుకలను జరుపుకున్నారు. గ్రామంలోని మహిళలను, డ్వాక్రా మహిళలను, ఆయన ఘనంగా సన్మానించి మహిళలకు బహుమతులను అందజేశారు. ఈ కార్యక్రమంలో ఏపీఎం సురేష్‌, డ్వాక్రా గ్రూప్‌ సభ్యులు, మండల కాంగ్రెస్‌ కమిటీ బీసీసెల్‌ అధ్యక్షుడు అబ్బగౌని బాస్కర్‌గౌడ్‌, కొల్తూర్‌ దుర్గం వెంకటేశ్‌, కుడుముల వెంకటేశ్‌, వీరయ్యగౌడ్‌, అబ్బగౌని వినోద్‌గౌడ్‌ పాల్గొన్నారు.
మున్నూరు కాపు సంఘం ఆధ్వర్యంలో..
మేడ్చల్‌ టౌన్‌: మున్నూరు కాపు సంఘం, విశ్రాంత ఉద్యోగుల సంఘం ఆధ్వర్యంలో గుండ్లపోచంపల్లి పరిధి కండ్లకోయలో ఆదివారం అంతర్జాతీయ మహిళా దినోత్సవాన్ని నిర్వహించారు. ఈ సందర్భంగా వివిధ రంగాల్లో సేవలందిస్తున్న మున్నూరు కాపు మహిళలను సంఘం వారు సన్మానించారు. ఈ కార్యక్రమంలో రాష్ట్ర నాయకులు, విశ్రాంత ఉద్యోగులు పాల్గొన్నారు.
