రంగనాయకసాగర్‌లోకి గోదారమ్మ పరవళ్లు
ABN , Publish Date - Jan 18 , 2024 | 11:52 PM
జిల్లాలోని రంగనాయకసాగర్‌ ప్రాజెక్టులోకి గోదావరి జలాలు పరవళ్లు తొక్కాయి.
చిన్నకోడూరు, జనవరి 18 జిల్లాలోని రంగనాయకసాగర్‌ ప్రాజెక్టులోకి గోదావరి జలాలు పరవళ్లు తొక్కాయి. కాళేశ్వరం ఎత్తిపోతల ప్రాజెక్టులో భాగమైన అనంతగిరి రిజర్వాయర్‌ నుంచి చిన్నకోడూరు మండలం చంద్లాపూర్‌ శివారులోని రంగనాయకసాగర్‌ ప్రాజెక్టులోకి గురువారం ఒక పంపు ద్వారా నీటి ఎత్తిపోతను నీటిపారుదలశాఖ అధికారులు ప్రారంభించారు. రంగనాయకసాగర్‌ ప్రాజెక్టు సామర్థ్యం 3 టీఎంసీలు కాగా ఇప్పటికే ప్రాజెక్టులో 1.5 టీఏంసీల నీరు నిల్వ ఉందని, ఈనెల 20 వరకు మూడు రోజుల్లో ఒక టీఏంసీ నీటిని ప్రాజెక్టులోకి తరలించనున్నట్లు అధికారులు వెల్లడించారు.
