BRS: బీఆర్ఎస్ ఎమ్మెల్సీలతో కేటీఆర్ సమావేశం.. ఎప్పుడంటే..

హైదరాబాద్: బీఆర్ఎస్(BRS) వర్కింగ్ ప్రెసిడెంట్, మాజీ మంత్రి కేటీరామారావు(KTR) ఆ పార్టీ ఎమ్మెల్సీలతో రేపు(గురువారం) సమావేశం నిర్వహించనున్నారు. లోక్ సభ ఎన్నికల సన్నద్ధతలో భాగంగా ఆయన ఈ సమావేశం ఏర్పాటు చేస్తున్నట్లు తెలుస్తోంది.

రేపు మధ్యాహ్నం 2 గంటలకు జరగనుండగా.. ఎమ్మెల్సీలకు లోక్ సభ నియోజకవర్గాల ఇంఛార్జి బాధ్యతలు అప్పగించనున్నట్లు తెలుస్తోంది. ఇటీవల జరిగిన అసెంబ్లీ ఎన్నికల్లో బీఆర్ఎస్ ఓటమి తరువాత.. ఆ పార్టీ లోక్ సభ ఎన్నికల్లో ఎలాగైనా పట్టు సాధించాలని చూస్తోంది.

ఇందులో భాగంగా నియోజకవర్గాల వారీగా ప్రతి రోజూ తెలంగాణ భవన్ లో సమావేశాలు జరుగుతున్నాయి. లోక్ సభ ఎన్నికల్లో సన్నద్ధతపై కేటీఆర్ పార్టీ నేతలకు, కార్యకర్తలకు దిశానిర్దేశం చేశారు.