రైలెక్కాలంటే సూటే కావాలా?
ABN , Publish Date - Feb 27 , 2024 | 03:48 AM
ఈయన ఓ వృద్ధ రైతు. ప్రయాణం నిమిత్తం నమ్మమెట్రోకు అనుబంధమైన బెంగళూరు రాజాజీనగర్ మెట్రోస్టేషన్కు సోమవారం వచ్చాడు.
![రైలెక్కాలంటే సూటే కావాలా?](https://media.andhrajyothy.com/media/2024/20240224/bengaluru_05249eab38.jpg)
మెట్రోలో రైతుకు అవమానంపై నెటిజన్ల ఫైర్
బెంగళూరు, ఫిబ్రవరి 26: ఈయన ఓ వృద్ధ రైతు. ప్రయాణం నిమిత్తం నమ్మమెట్రోకు అనుబంధమైన బెంగళూరు రాజాజీనగర్ మెట్రోస్టేషన్కు సోమవారం వచ్చాడు. అయితే, అక్కడి సెక్యూరిటీ సిబ్బందికి ఈయన వేషధారణ నచ్చలేదు. మాసిపోయిన దుస్తులు వేసుకుని వచ్చాడని స్టేషన్లోకి వెళ్లేందుకు అనుమతించకుండా అడ్డుకుని అవమానించారు. ఈ దృశ్యాలను ఓ వ్యక్తి వీడియో తీసి సోషల్ మీడియాలో పోస్టు చేశాడు. మెట్రో అధికారులపై నెటిజన్లు విరుచుకుపడ్డారు. వీఐపీలు, సూటుబూటుతో వచ్చేవారే మెట్రోలో ప్రయాణించాలా అని ఆగ్రహం వ్యక్తం చేశారు. ఘటన జరిగిన అరగంటలోనే విషయం పాకిపోవడంతో వెంటనే మెట్రో ఉన్నతాధికారులు స్పందించారు. రాజాజీనగర్ మెట్రోస్టేషన్ సెక్యూరిటీ సిబ్బందిని విధుల నుంచి తొలగించారు.