శిల్పాశెట్టి దంపతుల ఆస్తుల అటాచ్‌

బిట్‌కాయిన్స్‌ మోసం కేసులో ఈడీ చర్యలు

అటాచ్‌ అయిన ఆస్తుల విలువ రూ.98 కోట్లు

న్యూఢిల్లీ, ఏప్రిల్‌ 18: బిట్‌కాయిన్స్‌ పేరుతో జరిగిన మోసం కేసులో ఎన్‌ఫోర్స్‌మెంట్‌ డైరెక్టరేట్‌ అధికారులు బాలీవుడ్‌ నటి శిల్పాశెట్టి దంపతులకు చెందిన రూ.97.79 కోట్ల విలువైన ఆస్తులను గురువారం అటాచ్‌ చేశారు. అటాచ్‌ అయిన స్థిర, చరాస్తుల్లో ముంబైలోని జుహూలో శిల్పాశెట్టి పేరిట ఉన్న ఓ ఫ్లాట్‌, పుణెలోని ఓ బంగ్లా, శిల్పాశెట్టి భర్త రాజ్‌కుంద్రా పేరిట ఉన్న ఈక్విటీ షేర్లు ఉన్నాయి. 2017లో ముంబైకి చెందిన ‘వేరియబుల్‌ ప్రై వేట్‌ లిమిటెడ్‌’ అనే సంస్థ బిట్‌కాయిన్స్‌ స్కామ్‌ను ప్రారంభించింది. బిట్‌కాయిన్లలో పెట్టుబడి పెడితే.. నెలకు 10ు లాభాలుంటాయని ఆశ చూపింది. మల్టీలెవల్‌ మార్కెటింగ్‌(ఎంఎల్‌ఎం- చైన్‌స్కీమ్‌) పద్ధతిలో ముంబై, ఢిల్లీల్లో ఏజెంట్లను నియమించుకుని, రూ.6,600 కోట్లను వసూలు చేసింది. గత ఏడాది ఈ కేసులో ఆ సంస్థకు చెందిన పలువురు వ్యక్తులను ఈడీ అరెస్టు చేసింది. ప్రధాన నిందితులు అజయ్‌ భరద్వాజ్‌, మహేందర్‌ భరద్వాజ్‌ పరారీలో ఉండగా.. వారికి చెందిన రూ.69 కోట్ల ఆస్తులను ఈడీ ఇప్పటికే అటాచ్‌ చేసింది. ఈ కేసులో రాజ్‌కుంద్రా 285 బిట్‌కాయిన్లను కలిగి ఉన్నారని.. వాటి విలువ రూ.150 కోట్లుగా ఉంటుందని ఈడీ తెలిపింది. అయితే.. తమకు కోర్టులో న్యాయం జరుగుతుందని రాజ్‌కుంద్రా మీడియాకు చెప్పారు.