పదవీకాలంలో 11వ స్థానం.. ప్రమాణాల్లో నెంబర్‌ వన్‌!

అత్యధికకాలం సీఎంలుగా ఉన్న నేతలు ప్రమాణం చేసింది ఐదుసార్లే

దేశంలో సుదీర్ఘకాలం పాటు ముఖ్యమంత్రి పదవిలో ఉన్న నేతలతో నితీశ్‌ పోటీ పడుతున్నారు. 17 ఏళ్ల 158 రోజుల పాలనతో ఆయన 11వ స్థానంలో ఉన్నారు. విచిత్రమేమిటంటే, పదవీకాలం పరంగా 10 మంది తర్వాత ఉన్నప్పటికీ.. సీఎంగా ప్రమాణాల పరంగా మాత్రం నితీశ్‌దే రికార్డు. ముఖ్యమంత్రిగా 9 సార్లు ప్రమాణం చేసిన ముఖ్యమంత్రి ఆయన తప్ప దేశంలో మరెవరూ లేరు. నితీశ్‌ కుమార్‌ కన్నా ఎక్కువ కాలంపాటు ముఖ్యమంత్రులుగా పని చేసిన 10 మందిలో 9 మంది ఐదుసార్లు సీఎంగా ప్రమాణం చేయగా, మాణిక్‌ సర్కార్‌ నాలుగు సార్లే ప్రమాణం చేశారు. వీరందరికన్నా వెనక ఉన్న నితీశ్‌ మాత్రం 9 సార్లు ఆ పని చేసి ‘రికార్డు’ నెలకొల్పారు.