AI: కృత్రిమ మేధతో ఉద్యోగాలు ఊడతాయి.. ఐఎంఎఫ్ చీఫ్ ఆందోళన

న్యూయార్క్: ఏఐ(AI)తో ఉద్యోగాలకు పొంచిఉన్న ముప్పుపై ఐఎంఎఫ్(IMF) చీఫ్ తాజా హెచ్చరిక ఆందోళన కలిగిస్తోంది. కృత్రిమ మేధతో దాదాపు 40 శాతం ఉద్యోగాల్లో కోత పడబోతున్నట్లు ఆమె హెచ్చరించారు. అయితే ఏఐ వల్ల ఉద్యోగాలకు ముప్పు ఏర్పడినా.. ఉత్పాదక స్థాయిని పెంచుతుందని తెలిపారు. ఆమె మాట్లాడుతూ.. "అధునాతన ఆర్థిక వ్యవస్థకలిగిన దేశాల్లో 60 శాతం ఉద్యోగాలపై AI ప్రభావం చూపుతుంది. దీంతో ప్రపంచవ్యాప్తంగా 40 శాతం ఉద్యోగాలు ప్రభావితమయ్యే అవకాశం ఉంది. ఎంత ఎక్కువ నైపుణ్యం కలిగిన ఉద్యోగాలను కలిగి ఉన్నారో, అంత ఎక్కువ ప్రభావం ఉంటుంది. అయితే ఏఐ వల్ల ఉత్పత్తులు కూడా పెరిగే అవకాశం ఉంది. ఏఐ అందించే అవకాశాలను అందుకోవడానికి తక్కువ ఆదాయ దేశాలకు సహాయం చేయడంపై ప్రత్యేక దృష్టి సారించాం. అభివృద్ధి చెందిన, చెందుతున్న ఆర్థిక వ్యవస్థల్లో దీని ప్రభావం చాలా ఉంటుంది. అదంటే భయాందోళనలు ఉన్నా.. దాని పనితీరు మెరుగ్గా ఉంటుంది" అని అన్నారు.