రోగ నిర్ధారణ పరీక్షలు చేయండి

కొమరాడ, జనవరి 11 : గ్రామాల్లో తప్పనిసరిగా రోగ నిర్ధారణ పరీక్షలు చేయాలని జిల్లా మలేరియా అధికారి డి.జగన్మోహనరావు ఆదేశించారు. గురువారం ఆర్‌ఎల్‌ పురంలో హెల్త్‌ వెల్‌నెస్‌ కేంద్రాన్ని ఆకస్మికంగా తనిఖీ చేశారు. ప్రతి రోజూ రోగులకు నిర్వహిస్తున్న ఆరోగ్య తనిఖీలు, వైద్య పరీక్షల వివరాలకు సంబంధించి రికార్డులను పరిశీలించారు. రోగుల వ్యాధి లక్షణాలను స్పష్టం నమోదు చేయాలని సూచించారు. ఎంఎఫ్‌-9, ఎం-2 రికార్డుల్లో ఆరోగ్య కార్యకర్తలు క్షేత్రస్థాయిలో చేపట్టిన బ్లడ్‌ శాంపిల్స్‌ వివరాలు, నివేదికలను పరిశీలించారు. నివేదికల్లో నెగిటివ్‌గా గుర్తించినప్పటికీ వ్యాధి లక్షణాలకు సరిపడే మందులు అందజేయాలని సూచించారు. అనంతరం మందులు, పరీక్షల కిట్లు పరిశీలించారు. స్టాక్‌ వివ రాలను ఎప్పటికప్పుడు నమోదు చేయాలన్నారు. ఏఎంవో డి.సూర్యనారాయణ, పీహెచ్‌ఎన్‌ విజయకుమారి, వైద్య సిబ్బంది ఉన్నారు.