తాడిలో వైసీపీ నుంచి జనసేనలో చేరికలు

పరవాడ, ఏప్రిల్‌ 19 : తాడి గ్రామానికి చెందిన 300 మంది వైసీపీ నాయకులు, కార్యకర్తలు జనసేనలోకి చేరారు. ఈమేరకు తాడి గ్రామంలో శుక్రవారం రాత్రి ఏర్పాటు చేసిన కార్యక్రమంలో పెందుర్తి జనసేన ఎమ్మెల్యే అభ్యర్థి పంచకర్ల రమేష్‌బాబు వారందరికీ కండువాలు వేసి పార్టీలోకి ఆహ్వానించారు. ఈ సందర్భంగా ఆయన మాట్లాడుతూ వచ్చే ఎన్నికల్లో టీడీపీ, జనసేన, బీజేపీ అభ్యర్థుల విజయానికి కృషి చేయాలని కోరారు. జనసేనలోకి చేరిన వారిలో కోమటి సూరిబాబు, గనిరెడ్డి కనకరాజు తదితరులు ఉన్నారు. ఈ కార్యక్రమంలో మాజీ ఎంపీపీ పైలా జగన్నాథరావు, అనకాపల్లి ఏఎంసీ మాజీ వైస్‌ చైర్మన్‌ కన్నూరు వెంకటరమణ, మాజీ సర్పంచ్‌ బొడ్డపల్లి అప్పారావు పాల్గొన్నారు. అలాగే కలపాక పంచాయతీ పరిధి వైసీపీకి చెందిన పలువురు వార్డు మెంబర్లు , కార్యకర్తలు జనసేనలోకి చేరారు. వీరందరికీ పంచకర్ల ప్రసాద్‌ కండువాలు వేసి పార్టీలోకి ఆహ్వానించారు. ఈ కార్యక్రమంలో మోటూరి సన్యాసినాయుడు, నగిరెడ్డి చిన్నారావు, జనపాల రాము పాల్గొన్నారు.