వైభవంగా రాములోరి కల్యాణం
ABN , Publish Date - Apr 18 , 2024 | 12:43 AM
శ్రీరామ నవమి సందర్భంగా బుధవారం ఉమ్మడి జిల్లాలో శ్రీరామ నవమి పండుగను భక్తి శ్రద్ధలతో నిర్వహించుకున్నారు.
ఉమ్మడి జిల్లాలో ఘనంగా శ్రీరామనవమి
భక్తులతో కిక్కిరిసిన ఆలయాలు
కన్నులపండువగా కల్యాణోత్సవాలు
కర్నూలు(కల్చరల్‌), ఏప్రిల్‌ 17: శ్రీరామ నవమి సందర్భంగా బుధవారం ఉమ్మడి జిల్లాలో శ్రీరామ నవమి పండుగను భక్తి శ్రద్ధలతో నిర్వహించుకున్నారు. ఈ సందర్భంగా వివిధ ఆలయాల్లో సీతారాముల కల్యాణం చూడ్డానికి వేలాదిగా భక్తులు తరలి వచ్చారు. నగరంలోని వివిధ వైష్ణవ ఆలయాల్లో శ్రీరామనవమి సందర్భంగా సీతారాముల పెళ్లి కళ కొట్టొచ్చినట్లు కనిపించింది. చలువ పందిళ్ల కింద కూర్చొని కల్యాణ వేడుకలను కనులారా తిలకించి పులకించారు. భక్తులకు పానకం, వడపప్పు పంపిణీ చేశారు.
