అమ్మో.. కొండచిలువ
ABN , Publish Date - Nov 25 , 2024 | 01:51 AM
రామకుప్పం మండలం నక్కబాలేపల్లెలో భారీ కొండచిలువ హల్చల్ చేసింది. శనివారం రాత్రి గ్రామ సమీపంలోని ఓ పొలంలో సంచరిస్తున్న సుమారు 15 అడుగుల పొడవున్న కొండచిలువను రైతులు గుర్తించారు.
రామకుప్పం, నవంబరు 24 (ఆంధ్రజ్యోతి): రామకుప్పం మండలం నక్కబాలేపల్లెలో భారీ కొండచిలువ హల్చల్ చేసింది. శనివారం రాత్రి గ్రామ సమీపంలోని ఓ పొలంలో సంచరిస్తున్న సుమారు 15 అడుగుల పొడవున్న కొండచిలువను రైతులు గుర్తించారు. విషయాన్ని వారు వెంటనే అటవీ అధికారులకు తెలిపారు. ననియాల అటవీ విభాగాధికారి హరికుమార్, ముద్దనపల్లె ఎఫ్బీవో సుబ్రహ్మణ్యం సంఘటనా స్థలానికి చేరుకున్నారు. కొండచిలువను సంచిలో వేసుకెళ్లి.. అడవిలోకి వదిలి పెట్టారు.
