తిరుమల ఘాట్లో ఎలుగుబంటి హల్చల్
ABN , Publish Date - Feb 01 , 2024 | 01:00 AM
తిరుమల మొదటి ఘాట్ రోడ్డులో బుధవారం ఓ ఎలుగుబంటి హల్చల్ చేసి భక్తులను భయపెట్టింది.
తిరుమల, జనవరి31(ఆంధ్రజ్యోతి): తిరుమల మొదటి ఘాట్ రోడ్డులో బుధవారం ఓ ఎలుగుబంటి హల్చల్ చేసి భక్తులను భయపెట్టింది. అలిపిరి సమీపంలోని మొదటి మలుపు వద్ద రోడ్డు సమీపానికి ఎలుగుబంటి రావడం యాత్రికులను భయభ్రాంతులకు గురిచేసింది. కొంతసమయం రోడ్డుకు దగ్గరదగ్గరగా ఎలుగుబంటి సంచరించింది. దాదాపు 20 నిమిషాల తర్వాత వాహనాల శబ్దాలను గమనించి ఎలుగుబంటి అక్కడి నుంచి అడవిలోకి వెళ్లిపోయింది.