అక్రమంగా కలప రవాణా!

ఫిర్యాదు చేసినా పట్టించుకోని పోలీసులు

చౌదరిగూడ, మార్చి 5 : అక్రమంగా కలపను తరలిస్తున్న వాహనాన్ని అడ్డుకుని అటవీ, పోలీస్‌ శాఖ అధికారులకు ఫిర్యాదు చేసినా పట్టించుకోకపోవడంపై గ్రామస్తులు మండిపడుతున్నారు. వివరాల్లోకి వెళ్లితే.. చౌదరిగూడ మండలం పెద్దఎల్కిచర్ల గ్రామంలో ఉన్న అటవీ ప్రాంతం నుంచి ఆదివారం రాత్రి ఏపీ 24 టీబీ 3079 నెంబర్‌ గల వాహనంలో కలప(టేకు దుంగలు) తరలిస్తుండగా గ్రామానికి చెందిన హసన్‌ అనే వ్యక్తి అటవీకి సంరక్షకుడిగా ఉన్న హజర్‌ అనే వ్యక్తికి సమాచారం అందించాడు. సంఘటనా స్థలానికి చేరుకున్న హజర్‌ అటవీ శాఖకు చెందిన ఉన్నతస్థాయి ఆదేశాల మేరకే కలపను తరలిస్తున్నట్లు తెలిపి, వాహనాన్ని అక్కడి నుంచి పంపించేశాడు. ఈవిషయపై హసన్‌ సివిల్‌ పోలీసులకు సమాచారమందించినా పట్టించుకోలేదని మీడియాకు సమాచారం అందించాడు. అక్రమ కలప తరలింపుపై అటవీశాఖ ఉన్నతాఽధికారులు చర్యలు తీసుకోవాలని గ్రామస్తులు కోరుతున్నారు.