సాగర్ క్రస్ట్ గేట్లకు మరమ్మతులు
ABN , First Publish Date - 2023-06-11T00:50:55+05:30 IST
వానాకాలంలో ఎగువ నుంచి వరదలు వచ్చే అవకాశం ఉన్నందున నాగార్జునసాగర్ ప్రాజెక్టు రేడియల్ క్రస్ట్ గేట్ల మరమ్మతులు చేస్తున్నారు.
నాగార్జునసాగర్, జూన్ 10: వానాకాలంలో ఎగువ నుంచి వరదలు వచ్చే అవకాశం ఉన్నందున నాగార్జునసాగర్ ప్రాజెక్టు రేడియల్ క్రస్ట్ గేట్ల మరమ్మతులు చేస్తున్నారు. ఏటా క్రస్ట్ గేట్లకు గ్రీసింగ్, రబ్బరు సీళ్లను వేయడం, రోప్లకు గ్రీసింగ్ పనులు చేస్తుంటారు. కాగా, ప్రస్తుతం చేపట్టిన అన్ని రకాల మరమ్మతులు రెండు రోజుల్లో పూర్తవుతాయని అధికారులు తెలిపారు. వరదలను తట్టుకునేందుకు సర్వం సిద్ధం చేసినట్లు పేర్కొన్నారు. మరోవైపు క్రస్ట్ గేట్లకు దిగువ భాగాన స్పిల్వే మరమ్మతులు 60శాతం పూర్తయ్యాయి. అలాగే కుడి కాల్వ గేట్లను అమర్చే పనులు కూడా 90శాతం పూర్తయినట్టు ప్రాజెక్టు అధికారులు తెలిపారు.
