బీఆర్ఎ్సలోనే ఉందామా.. మూకుమ్మడిగా రాజీనామా చేద్దామా?
ABN , First Publish Date - 2023-10-30T00:09:17+05:30 IST
వర్గల్ మండల సర్పంచుల రహస్య సమావేశం
వర్గల్, అక్టోబరు 29 : గజ్వేల్ నియోజకవర్గంలోని వర్గల్ మండల సర్పంచులు ఆదివారం గౌరారం వద్ద రహస్య సమావేశం నిర్వహించారు. బీఆర్ఎ్సలో ఉన్న తమను పార్టీ పట్టించుకోకపోవడం పట్ల అసంతృప్తిని వ్యక్తం చేస్తున్నట్లు సమాచారం. ఎన్నికలు సమీపిస్తున్నా పార్టీ నాయకులు కనీసం పలకరించకపోవడం, కార్యక్రమాలు తెలుపకపోవడం పట్ల సర్పంచులు నిరుత్సాహానికి గురైనట్లు తెలిసింది. గ్రామాలకు బీఆర్ఎస్ నాయకులు వచ్చినా సర్పంచ్లను పట్టించుకోకపోవడం పట్ల అసహనం వ్యక్తం చేసినట్లు సమాచారం. బీఆర్ఎ్సలోనే ఉందామా లేక మూకుమ్మడిగా పదవులకు రాజీనామా చేసి ఇతర పార్టీలోకి వెళదామా అనే అలోచనలో వర్గల్ మండల బీఆర్ఎస్ సర్పంచ్లు ఉన్నారు.
