కనుల పండువగా సీతారాముల కల్యాణం

ABN , First Publish Date - 2023-03-30T23:43:53+05:30 IST

సంగారెడ్డి, మెదక్‌ జిల్లాల్లో గురువారం శ్రీరామనవమి వేడుకలను ఘనంగా నిర్వహించారు. రామాలయాలు, హనుమంతుడి ఆలయాల్లో సీతారాముల కల్యాణోత్సవం కనుల పండువగా నిర్వహించారు.

కనుల పండువగా సీతారాముల కల్యాణం
జహీరాబాద్‌లోని కోదండరామాలయంలో సీతారాముల కల్యాణం నిర్వహిస్తున్న పండితులు

ఆంధ్రజ్యోతి న్యూస్‌ నెట్‌వర్క్‌, మార్చి 30: సంగారెడ్డి, మెదక్‌ జిల్లాల్లో గురువారం శ్రీరామనవమి వేడుకలను ఘనంగా నిర్వహించారు. రామాలయాలు, హనుమంతుడి ఆలయాల్లో సీతారాముల కల్యాణోత్సవం కనుల పండువగా నిర్వహించారు. పలు ఆలయాల వద్ద సీతారాముల ఉత్సవ విగ్రహాలను పల్లకీలో ప్రతిష్టించి పల్లకీ సేవ నిర్వహించారు. సామూహిక సత్యనారాయణస్వామి వ్రతాలను నిర్వహించారు. ఈ సందర్భంగా ఆలయాలు భక్తులతో కిక్కిరిసిపోయాయి. పలు గ్రామాల్లో హిందూ సంఘాల ఆధ్వర్యంలో ర్యాలీలు తీశారు. వేడుకల్లో పీఠాధిపతులు, ప్రజాప్రతినిధులు, అధికారులు, నాయకులు పాల్గొన్నారు.

Updated Date - 2023-03-30T23:43:53+05:30 IST