ఇంటి కరెంటు బిల్లు రూ. 83,760
ABN , First Publish Date - 2023-11-10T22:35:05+05:30 IST
నాగర్కర్నూలు జిల్లా కోడేరు మండల కేంద్రంలోని ఓ ఇంటికి కరెంటు బిల్లు ఏకంగా రూ. 83,760 రావడంతో ఆ ఇంటి యాజమాని అవాక్కయ్యాడు. వగ్గు చైతన్య తమ ఇంటికి సాధారణంగా వచ్చే రూ. 68 కరెంటు బిల్లు నెలనెలా ఆన్లైన్లో చెల్లిస్తుండేవాడు.
కోడేరు, నవంబరు 10 : నాగర్కర్నూలు జిల్లా కోడేరు మండల కేంద్రంలోని ఓ ఇంటికి కరెంటు బిల్లు ఏకంగా రూ. 83,760 రావడంతో ఆ ఇంటి యాజమాని అవాక్కయ్యాడు. వగ్గు చైతన్య తమ ఇంటికి సాధారణంగా వచ్చే రూ. 68 కరెంటు బిల్లు నెలనెలా ఆన్లైన్లో చెల్లిస్తుండేవాడు. ఈ నెల కరెంటు బిల్లు రూ. 83,760 ఈ నెల 18వ తేదీలోపు చెల్లించాలని 4న విద్యుత్ సిబ్బంది బిల్లు ఇచ్చారు. దీంతో ఆందోళనలో పడ్డ ఇంటి యజమాని విద్యుత్ అధికారులను ఫోన్లో సంప్రదించాడు. అధికారులు చూస్తాం, బిల్లు జంపు అయి ఉంటుందని, సరి చేస్తామని చెప్పారు. కానీ, ఇప్పటి వరకు చర్యలు తీసుకోలేదు. విద్యుత్ అధికారుల నిర్లక్ష్యమా, ఆన్లైన్లో కంప్యూటర్ తప్పిదమా అని చైతన్య ఆవేదన వ్యక్తం చేస్తున్నారు.
