బీఆర్ఎస్ ప్రభుత్వంలోనే తండాలు అభివృద్ధి
ABN , First Publish Date - 2023-08-31T23:58:31+05:30 IST
బీఆర్ఎస్ ప్రభుత్వంలోనే తండాలు అభివృద్ధి చెందాయని జడ్చర్ల ఎమ్మెల్యే డాక్టర్ సి.లక్ష్మారెడ్డి అన్నారు.
- జడ్చర్ల ఎమ్మెల్యే డాక్టర్ సి.లక్ష్మారెడ్డి
జడ్చర్ల, ఆగస్టు 31 : బీఆర్ఎస్ ప్రభుత్వంలోనే తండాలు అభివృద్ధి చెందాయని జడ్చర్ల ఎమ్మెల్యే డాక్టర్ సి.లక్ష్మారెడ్డి అన్నారు. జడ్చర్ల మండలం నసరుల్లాబాద్తండాలో గురువారం గ్రామపంచాయతీ భవనం నిర్మాణం పనులను ప్రారంభించారు. ఈ సందర్భంగా ఏర్పాటు చేసిన సమావేశంలో ఆయన మాట్లాడుతూ స్వాతంత్య్రం వచ్చిన నాటి నుంచి తెలంగాణ రాష్ట్ర ప్రభుత్వం ఏర్పడిన నాటి వరకు తండాలను పట్టించుకున్న ప్రభుత్వాలే లేవన్నారు. స్వరాష్ట్రంలోనే అభివృద్ధి ఫలాలు అందుతున్నాయని అన్నారు. మిషన్భగీరథతో స్వచ్ఛమైన తాగునీరు అందిస్తు న్నామని తెలిపారు. తండాలకు రహదారులు నిర్మించామని పేర్కొన్నారు. గతంలో జరిగిన అభివృద్దిని, తెలంగాణ రాష్ట్రంలో జరిగిన అభివృద్దిపై బేరీజు వేయాలని ప్రజలకు సూచించారు. ఈ కార్యక్రమంలో జడ్పీ వైస్చైర్మన్ కోడ్గల్ యాదయ్య, సర్పంచ్ ప్రణీల్చందర్, బీఆర్ఎస్ పార్టీ నాయకులు రఘుపతిరెడ్డి, శంకర్నాయక్, రాజేశ్నాయక్, తండావాసులు పాల్గొన్నారు.