ఇంటి వాతావరణాన్ని కల్పించాలి
ABN , Publish Date - Dec 17 , 2023 | 10:42 PM
బాలసదన్, వృద్ధాశ్రమంలో ఇంటి వాతావరణాన్ని కల్పించాలని అదనపు కలెక్టర్ మాయాంక్ మిట్టల్ అన్నారు.
- అదనపు కలెక్టర్ మయాంక్ మిట్టల్
- బాలసదన్, వృద్ధాశ్రమం సందర్శన
నారాయణపేట, డిసెంబరు 17 : బాలసదన్, వృద్ధాశ్రమంలో ఇంటి వాతావరణాన్ని కల్పించాలని అదనపు కలెక్టర్ మాయాంక్ మిట్టల్ అన్నారు. నారాయణపేటలోని బాలసదన్, వృద్ధాశ్రమాన్ని ఆదివారం అదనపు కలెక్టర్ మయాంక్ మిట్టల్ సందర్శించారు. ఈ సందర్భంగా బాలసదన్లో వసతి ఏర్పాట్లను అడిగి తెలుసుకున్నారు. వృద్ధాశ్రమంలో వృద్ధులకు కల్పిస్తున్న సౌకర్యాలు, భోజన వసతి ఏర్పాట్లను అడిగి తెలుసుకున్నారు. ప్రభుత్వం కల్పించే అన్ని సదుపాయాలు ఏర్పాటు చేయాలని, పరిశుభ్రంగా ఉంచి ఇంటి వాతావరణం కల్పించాలని నిర్వాహకులకు సూచించారు. అనంతరం చిన్నారులతో కలిసి సహపంక్తి భోజనం చేశారు.
