తెలంగాణ ఉద్యమస్ఫూర్తి చాకలి ఐలమ్మ

మంథని, సెప్టెంబరు 7: వీరనారి చాకలి ఐలమ్మ పోరాట స్ఫూర్తి తోనే తెలంగాణ ప్రత్యేక రాష్ట్రాన్ని పోరాడి సాధించుకున్నామని జడ్పీ చైర్మన్‌ పుట్ట మధు అన్నారు. ఈనెల 10న మంథనిలో జరిగే తెలం గాణ రైతాంగ సాయుధ పోరాట యోధురాలు చాకలి ఐలమ్మ వర్ధం తి సభకు సంబంధించిన కరప త్రాలను పుట్ట మధు గురువారం తన నివాసంలో ఆవిష్కరించారు. ఈసందర్భంగా ఆయన మాట్లాడు తూ..ప్రత్యేక రాష్ట్రం కోసం ఏళ్ల తరబడి కొనసాగిన తెలంగాణ పోరా టంలో చాకలి ఐలమ్మ పేరు వినని రోజు, ఉద్యమం లేదన్నారు. ఆమె పోరాట స్ఫూర్తితో పలు విధాలుగా ఉద్యమాన్ని నిర్వహించి ప్రత్యేక రాష్ట్రాన్ని సాధించుకున్నామన్నారు. పోరాడి సాధిం చుకున్న తెలంగాణలో సీఎం కేసీఆర్‌ ఆధ్వర్యంలో ప్రభుత్వమే చాకలి ఐలమ్మ వర్ధంతి, జయంతి ఉత్సవాలను అధికారికంగా నిర్వహించడం హర్షనీయమన్నారు. తెలంగాణ ఉద్యమ స్ఫూర్తిగా నిలిచిన చాకలి ఐలమ్మ వర్ధంతి సభకు మంథని నియోజకవర్గంలోని ఆమె అభిమానులు, తెలంగాణ పోరాటయోధులు అధిక సంఖ్యలో హాజరుకావాలని కోరారు. ఈ కార్యక్రమంలో మంథని మున్సిపల్‌ చైర్‌పర్సన్‌ పుట్ట శైలజ, ఎంపీపీ కొండ శంకర్‌, వైస్‌చైర్మన్‌ అరపెల్లి కుమార్‌, ఏఎంసీ చైర్మన్‌ ఎక్కేటి అనంతరెడ్డి, బీఆర్‌ఎస్‌ మండల పార్టీ అధ్యక్షుడు ఏగోళపు శంకర్‌ గౌడ్‌, కన్వీనర్‌ పోతరాజు సమ్మయ్య, వైస్‌ఎంపీపీ స్వరూప్‌, ఆకుల కిరణ్‌, గొబ్బూరి వంశీ, జంజర్ల లింగయ్య, సంపత్‌ తదితరులు పాల్గొన్నారు.