అంగన్వాడీల సమ్మెలో అపశృతి
ABN , First Publish Date - 2023-09-22T00:18:05+05:30 IST
అంగన్వాడీ టీచర్ల సమ్మెలో భాగంగా జగిత్యాల జిల్లా ధర్మపురి తహసీల్దార్ కార్యాలయం ఎదుట చేపట్టిన నిరసన కార్యక్రమంలో అపశృతి జరిగింది. అంగన్వాడీ టీచర్లు, ఆయాలు వేసుకున్న టెంట్ గురువారం వర్షానికి తడిసి కూలిపోయింది. దీం
ధర్మపురి, సెప్టెంబరు 21: అంగన్వాడీ టీచర్ల సమ్మెలో భాగంగా జగిత్యాల జిల్లా ధర్మపురి తహసీల్దార్ కార్యాలయం ఎదుట చేపట్టిన నిరసన కార్యక్రమంలో అపశృతి జరిగింది. అంగన్వాడీ టీచర్లు, ఆయాలు వేసుకున్న టెంట్ గురువారం వర్షానికి తడిసి కూలిపోయింది. దీంతో సమ్మెలో పాల్గొన్న అంగన్వాడీ టీచర్లు, ఆయాలు ఆందోళనకు గురయ్యారు. టెంటు కింది నుంచి బయటికి పరుగులు తీశారు. తిమ్మాపూర్, ధర్మపురి అంగన్వాడీ కేంద్రాల్లో పనిచేస్తున్న రాజ్యలక్ష్మి, మరియ అనే ఇద్దరు అంగన్వాడీ టీచర్లు తీవ్రంగా గాయపడ్డారు. వీరిని తోటి అంగన్వాడీ టీచర్లు అంబులెన్స్లో ఆస్పత్రికి తరలించారు. రాజ్యలక్ష్మి చేయి ఫ్రాక్చర్ కాగా రెండు రోజుల తరువాత ఆపరేషన్ చేయాల్సి ఉంటుందని వైద్యులు చెప్పారు. మరియ తలపై గాయం కావడం వల్ల చికిత్స అనంతరం సీటీ స్కాన్ చేసి ఇంటికి పంపించారు.
