Pawan Kalyan: మేనల్లుడుతో మొదలయిన సినిమా

జనసేన అధినేత, అగ్ర నటుడు పవన్ కళ్యాణ్ (#PawanKalyan) ఇప్పుడు మరో సినిమా షూటింగ్ మొదలెట్టారు. తన మేనల్లుడు సాయి ధరమ్ తేజ్ (#SaiDharamTej) తో కలిసి నటిస్తున్న రీమేక్ సినిమా షూటింగ్ ఈరోజు అంటే బుధవారం మొదలయింది. సముద్రఖని (#Samuthirakani) దీనికి దర్శకుడు. సముద్రఖని ఇంతకు ముందు చాలా తమిళ సినిమాలకు దర్శకత్వం వహించారు, ఆ తరువాత నటుడిగా మారి చాలా సినిమాలతో నటుడిగా చాలా బిజీ అయ్యాడు. ఇప్పుడు చాలా కాలం తరువాత మెగా ఫోన్ పట్టుకుంటున్నాడు సముద్రఖని. ఇది ఒక తమిళ సినిమా 'వినోదయ సితం' (#VinodhayaSitham) కి రీమేక్.

పవన్ కళ్యాణ్ ఈమధ్య చాలా సినిమాలు ఒప్పుకున్నాడు కానీ, ఏ సినిమా ముందు షూటింగ్ స్టార్ట్ చేస్తాడో అని అందరికి ఆసక్తి కలిగింది. ఇప్పుడు ఆ సందేహాలన్నీ పటా పంచలు అయిపోయాయి. సముద్రఖని దర్శకత్వం లో సాయి ధరమ్ తేజ్ తో నటిస్తున్న సినిమా షూటింగ్ స్టార్ట్ చేసాడు.

ఇందులో పవన్ కళ్యాణ్ (#PawanKalyan) కేవలం 20 నుండి 25 రోజులపాటు షూటింగ్ చేస్తే చాలని అంటున్నారని, అందుకని ఇది ముందు చేస్తున్నట్టుగా భోగట్టా. దీనిని పీపుల్స్ మీడియా ఫ్యాక్టరీ వాళ్ళు నిర్మిస్తున్నారు, టి. జి. విశ్వప్రసాద్ (TG Viswaprasad), వివేక్ కూచిబొట్ల నిర్మాతలు.

ఇదిలా ఉండగా, పవన్ కళ్యాణ్ దర్శకుడు సుజీత్ (#DirectorSujeeth) తో కూడా ఒక సినిమా ఒప్పుకున్నాడు, అది అధికారికంగా కూడా లాంచ్ అయింది. ఇదే కాకుండా దర్శకుడు క్రిష్ (#DirectorKrish) తో 'హరిహర వీరమల్లు' (#HariHaraVeeramallu) సినిమా కూడా షూటింగ్ చాలా భాగం అయిపోయి వుంది. దానికి ఇంకొన్ని రోజులు పవన్ కళ్యాణ్ కేటాయిస్తే చాలు, అది కూడా అయిపోతుంది అని అంటున్నారు. అలాగే దర్శకుడు హరీష్ శంకర్ (#HarishShankar) తో కూడా ఒక సినిమా వుంది.

సముద్రఖని సినిమా ఈరోజు అధికారికంగా షూటింగ్ మొదలయినట్టుగా కొన్ని ఫోటోస్ పంపారు. అందులో దర్శకుడు సముద్రఖని, సాయి ధరమ్ తేజ్, త్రివిక్రమ్ శ్రీనివాస్ #(TrivikramSrinivas), ఇంకా నిర్మాతలు, సంగీత దర్శకుడు థమన్ (#SSThaman) వీళ్ళందరూ వచ్చి శుభాకాంక్షలు చెప్పారు.