మంచు ఖండం మీద...

ఇథియోపియాలో సీమీన్‌ పర్వతాల్లో గెలడా కోతుల జంట... అంటార్కిటికాలో బిడ్డతో ఎంపరర్‌ పెంగ్విన్లు... కరుగుతున్న మంచు ఖండం మీద అలసిసొలసి నిద్రపోతున్న పోలార్‌ ఎలుగుబంటి... చెత్తగా పడేసిన సీసాల్లో నీళ్లకోసం వెతుకుతోన్న కోతి... వన్యప్రాణుల జీవన చిత్రాన్ని ఆవిష్కరించే ఫోటోలివి. ఒకదానికి మించి ఒకటి గొప్పగా అనిపిస్తున్నాయి. ప్రస్తుతం ఇలాంటి 25 ఫోటోలతో లండన్‌లోని నాచురల్‌ హిస్టరీ మ్యూజియంలో ఓ ఎగ్జిబిషన్‌ను ఏర్పాటుచేశారు. వీటిలో ఉత్తమ ఫోటోకు పీపుల్స్‌ ఛాయిస్‌ వైల్డ్‌ లైఫ్‌ ఫోటోగ్రాఫర్‌ అవార్డును ప్రకటిస్తారు. ఆన్‌లైన్‌లో ఓటింగ్‌ చేసే అవకాశం ఉంది. ఈ ఓటింగ్‌ ఆధారంగా ఎంపికైన ఫోటోగ్రాఫర్‌ పేరును 2024 ఫిబ్రవరి 7న ప్రకటిస్తారు.