OTT content: తాజాగా ఓటీటీలో విడుదలైన సినిమాలు, వెబ్‌సిరీస్‌లు ఇవే..

ABN , First Publish Date - 2023-03-07T09:19:23+05:30 IST

కరోనా కారణంగా అన్ని రంగాలు నష్టపోగా ఓటీటీలు మాత్రం లాభపడ్డాయి. లాక్‌డౌన్ కారణంగా ఇంట్లోనే ఖాళీగా ఉంటూ..

OTT content: తాజాగా ఓటీటీలో విడుదలైన సినిమాలు, వెబ్‌సిరీస్‌లు ఇవే..

ott

కరోనా కారణంగా అన్ని రంగాలు నష్టపోగా ఓటీటీలు మాత్రం లాభపడ్డాయి. లాక్‌డౌన్ కారణంగా ఇంట్లోనే ఖాళీగా ఉంటూ.. బోర్‌గా ఫీల్ అవుతున్న సినీ లవర్స్‌కి ఎంటర్‌టైన్‌మెంట్‌ని అందించాయి. అయితే కరోనా తగ్గుముఖం పట్టాక ఓటీటీల జోరు తగ్గి థియేటర్ రిలీజ్‌లు మళ్లీ పెరుగుతాయని అందరూ అనుకున్నారు. మార్చి 6న ఓటీటీలో విడుదలైన వెబ్‌సిరీస్‌లు, సినిమాల గురించి తెలుసుకుందాం..

మందాకిని (Mandakini)

చండీపురం గ్రామానికి చెందిన మందాకిని అనే యువతి పలు కారణాల వల్ల మానసికంగా బలహీనంగా ఉంటుంది. ఈ తరుణంలో ఆమెకి విచిత్రమైన సంఘటనలు ఎదురవుతాయి. దీంతో వాటికి కారణాలు వెతుక్కుంటూ వెళ్లిన ఆ యువతికి ఆశ్చర్యకరమైన విషయాలు తెలుస్తాయి. ఈ ప్రయాణంలో ఆమెకి ఎదురైన సమస్యలను ఎలా ఎదుర్కొందనేది ఈ ‘మందాకిని’ కథాంశం. హిమ బిందు, ప్రియ హేగ్డే, ఆర్‌కే చంద్రన్, వర్ష అజయ్, జయలలిత ప్రధాన పాత్రలు పోషిస్తున్నారు. ఈ సిరీస్ ప్రస్తుతం ప్రముఖ ఓటీటీ ప్లాట్‌ఫామ్ ఆహా వీడియోలో స్ట్రీమింగ్ అవుతోంది.

ఫెడెరికో చీసా - బ్యాక్ ఆన్ ట్రాక్ (Federico Chiesa - Back on Track)

రోమ్‌లోని స్టేడియం ఒలింపికో పుట్‌బాల్ గేమ్ 9 జనవరి 2022న జరిగింది. ఆట ప్రారంభమైన 30 నిమిషాలకు, ఫెడెరికో చీసా నొప్పితో అరుస్తూ నేలపై కుప్పకూలిపోయాడు. అతను తన ఎడమ మోకాలి క్రూసియేట్ లిగమెంట్‌ నలిగిపోయింది. పది నెలల తర్వాత పుట్‌బాల్ ఆటగాడిగా ఎలా పునరావృతం చేశాడు. దానికి అతనికి సపోర్టుగా నిలిచిన వ్యక్తుల గురించి డాక్యుమెంటరీ చిత్రం ‘ఫెడెరికో చీసా - బ్యాక్ ఆన్ ట్రాక్’ వివరిస్తుంది. ఈ డాక్యుమెంటరీ ప్రస్తుతం ప్రముఖ ఓటీటీ ప్లాట్‌ఫామ్ అమెజాన్ ప్రైమ్ వీడియోలో స్ట్రీమింగ్ అవుతోంది.