నవంబరు 1 లోగా దేశం విడిచి వెళ్లండి

ఇస్లామాబాద్‌, అక్టోబరు 4: అఫ్ఘానిస్థాన్‌ శరణార్థులపై పాకిస్థాన్‌ కీలక నిర్ణయం తీసుకుంది. అనుమతి లేకుండా దేశంలో నివసిస్తున్న వలసదారులు నవంబరు 1వ తేదీలోగా దేశం విడిచి వెళ్లిపోవాలని ఆదేశించింది. లేకపోతే వారందరినీ గుర్తించి బహిష్కరిస్తామని హెచ్చరించింది. ఈ ఏడాది దేశంలో జరిగిన 24 ఆత్మాహుతి దాడులలో 14 దాడులు అఫ్ఘానిస్థాన్‌ దేశస్థులే చేసినట్లు తేలడంతో ఈ నిర్ణయం తీసుకున్నట్లు దేశ అంతర్గత వ్యవహారాల మంత్రి సర్ఫరాజ్‌ బుగ్తీ తెలిపారు. ప్రధాని, ఆర్మీ చీఫ్‌లతో శాంతిభద్రతలపై సమావేశం అనంతరం ఆమె మాట్లాడారు. 17 లక్షల 30 వేల మంది అఫ్ఘానీలకు దేశంలో నివసించేందుకు సరైన అనుమతి పత్రాలు లేవని తెలిపారు.