దేశాల అంతర్గత వ్యవహారాల్లో తలదూర్చడం పశ్చిమదేశాల దురలవాటు: జైశంకర్
ABN , First Publish Date - 2023-04-03T01:32:59+05:30 IST
ఇతర దేశాల అంతర్గత వ్యవహారాలపై వ్యాఖ్యలు చేసే దురలవాటు పశ్చిమదేశాలకు ఉందని విదేశాంగ మంత్రి ఎస్.జైశంకర్ తీవ్రంగా విమర్శించారు. అలా వ్యాఖ్యలు చేసే
బెంగళూరు, ఏప్రిల్ 2: ఇతర దేశాల అంతర్గత వ్యవహారాలపై వ్యాఖ్యలు చేసే దురలవాటు పశ్చిమదేశాలకు ఉందని విదేశాంగ మంత్రి ఎస్.జైశంకర్ తీవ్రంగా విమర్శించారు. అలా వ్యాఖ్యలు చేసే హక్కును దేవుడు తమకు కల్పించాడని ఆ దేశాలు భావిస్తుంటాయన్నారు. కాంగ్రెస్ నేత రాహుల్గాంధీ పార్లమెంటు సభ్యత్వం రద్దుపై జర్మనీ, అమెరికా దేశాల ప్రతినిధులు చేసిన వ్యాఖ్యలను ఈ సందర్భంగా మంత్రి ప్రస్తావించారు. అలాగే, ఎన్నికల్లో ఉచితాల సంస్కృతిని జైశంకర్ తీవ్రంగా తప్పుబట్టారు. ‘ఢిల్లీలో ఉన్న కొందరు ఈ ఉచితాల సంస్కృతికి మాస్టర్లు’ అని విమర్శించారు. వారికి వనరులను అభివృద్ధి చేసే బాధ్యత లేకపోవడం వల్లే ఉచిత హామీలు ఇస్తున్నారని విమర్శించారు.
