Amitabh: అమితాబ్కు గాయాలు
ABN , First Publish Date - 2023-03-07T02:26:56+05:30 IST
ప్రభాస్ హీరోగా నటిస్తున్న ‘ప్రాజెక్ట్ కె’ సినిమా షూటింగ్లో బిగ్ బి అమితాబ్ బచ్చన్ గాయపడ్డారు.
‘ప్రాజెక్ట్ కె’ చిత్రీకరణలో ప్రమాదం
దెబ్బ తిన్న పక్కటెముక మృదులాస్థి!
ఏఐజీ ఆస్పత్రిలో చికిత్స
హైదరాబాద్ సిటీ, మార్చి 6 (ఆంధ్రజ్యోతి): ప్రభాస్ హీరోగా నటిస్తున్న ‘ప్రాజెక్ట్ కె’ సినిమా షూటింగ్లో బిగ్ బి అమితాబ్ బచ్చన్ గాయపడ్డారు. ఈ సినిమా షూటింగ్లో భాగంగా గత శుక్రవారం ఒక యాక్షన్ సన్నివేశాన్ని చిత్రీకరిస్తుండగా ప్రమాదం జరిగింది. వెంటనే అమితాబ్ను గచ్చిబౌలిలోని ఏఐజీ ఆస్పత్రికి తరలించి చికిత్స చేయించారు. అనంతరం ఆయన ముంబైకి వెళ్లిపోయారు. తన పక్కటెముక మృదులాస్థి దెబ్బతిందని, కండరాల్లో చీలిక ఏర్పడిందని అమితాబ్ తన బ్లాగ్ద్వారా వెల్లడించారు. కాగా.. ఈ ప్రమాదంలో బిగ్ బితో పాటు మరికొందరు యూనిట్ సభ్యులు కూడా గాయపడ్డారని, వారికి కూడా చికిత్స కొనసాగుతోందని సమాచారం.
