విదేశాల్లో భారత రాజకీయాలపై విమర్శలా?
ABN , First Publish Date - 2023-06-11T02:50:37+05:30 IST
విదేశీ గడ్డపై భారత రాజకీయాల గురించి విమర్శించడం ఏ నాయకుడికైనా తగదు. ఈ విషయంలో మీ పూర్వీకులను చూసైనా నేర్చుకోండి.
● రాహుల్ బాబా.. ఇది ఏ నాయకుడికైనా తగదు: అమిత్ షా
పటాన్, జూన్ 10: ‘‘విదేశీ గడ్డపై భారత రాజకీయాల గురించి విమర్శించడం ఏ నాయకుడికైనా తగదు. ఈ విషయంలో మీ పూర్వీకులను చూసైనా నేర్చుకోండి. మిమ్మల్ని ప్రజలు గమనిస్తున్నారని తెలుసుకోండి’’ అంటూ కేంద్ర హోంమంత్రి అమిత్ షా కాంగ్రెస్ అగ్ర నేత రాహుల్ గాంధీపై విమర్శలు ఎక్కుపెట్టారు. గుజరాత్లోని పటాన్ జిల్లా సిధ్పూర్లో శనివారం బహిరంగ సభలో ప్రసంగిస్తూ.. ‘‘దేశభక్తులు మన దేశ రాజకీయాలపై ఇక్కడే మాట్లాడతారు. కానీ, విదేశాలకు విహార యాత్రకు వెళ్లే రాహుల్ బాబా మాత్రం మోదీ ప్రభుత్వంపై అక్కడ విమర్శలు చేస్తారు’’ అంటూ మండిపడ్డారు. మోదీ కావాలా? గాంధీ (రాహుల్) కావాలా? తేల్చుకోవాలని పిలుపునిచ్చారు.
