కొడాలి నాని బహిరంగ క్షమాపణ చెప్పాలి
ABN , First Publish Date - 2023-05-31T23:21:29+05:30 IST
మాజీ మంత్రి కొడాలి నాని కాపులపై ఇష్టానుసారంగా మాట్లాడితే సహించేది లేదని టీడీపీ కాపు సామాజికవర్గ నాయకులు హెచ్చరించారు.
తాడేపల్లిగూడెం అర్బన్, మే 31: మాజీ మంత్రి కొడాలి నాని కాపులపై ఇష్టానుసారంగా మాట్లాడితే సహించేది లేదని టీడీపీ కాపు సామాజికవర్గ నాయకులు హెచ్చరించారు. బుధవారం పార్టీ కార్యాలయంలో నాని వ్యాఖ్య లను ఖండించారు. ఈ సందర్భంగా వారు విలేకరులతో మాట్లాడుతూ కాపులకు నాని బహిరంగ క్షమాపణ చెప్పాలని డిమాండ్ చేశారు. ఆయనను సీఎం జగన్ పార్టీ నుంచి బహిష్కరించాలన్నారు. గంధం సతీష్, పసల కొండ, ఎరుబండి సతీష్, కుదుళ్ళ చంద్రశేఖర్, గంధం గిరి తదితరులు పాల్గొన్నారు.